भोली रत्न आभुषण ज्वेलरी शुभराम्भ हुँदै

भदौ १६, काठमाडौं । राजधानीको व्यस्त चोक पूरानो बानेश्वरमा यहि भदौ १७ गते आइतबार रत्न आभुषण नामक ज्वेलरी शुभारम्भ हुँदैछ । नजिँकिदै गरेको तिजलाई लक्षित गरि संचालनमा आउन लागेको रत्न आभुषण ज्वेलरीमा नेपाली परम्परागत तथा आधुनिक शैलीका गरगहना खरिद गर्न सकिनेछ ।

नेपालमा विभिन्न डिजाइनका सुनका गरगहनाको बढ्दै गएको मागलाई मध्यनजर राखि रत्न आभुषण संचालनमा आउन लागेको व्यवसायी आयुष शाक्य बताउँछन् । सुनका गरगहनाको  धेरै कारोबार हुने न्युरोडमा पाइने सम्पूर्ण शैली अब रत्न आभुषणले प्रदान गर्ने शाक्यले बताए । न्युरोड नै पुग्नुपर्ने बाध्यतालाई रत्न आभुषणले अब सहज पार्दिने शाक्यको तर्क छ । सुन तथा चाँदीका गरगहनाहरुको नयाँ आयम भित्र्याउने लक्ष्यका साथ शुभारम्भ हुन लागेको रत्न आभुषण निकट भविष्यैमा नेपाली गरगहनाको फेसनलाई बढवा दिने आकर्षक गन्त्वय बन्ने छ, ’ शाक्य थप्दै भन्छन् । 
 

पछिल्लो समय नेपालमा ज्वेलरी व्यवसाय निकै फस्टाउँदै गएको र विश्वमा छरिएर रहेका नेपालीहरुले पनि आफ्नै देशमा तयार पारेका गरगहनाको प्रयोग गर्नाले यो क्षेत्र फराकिलो बन्दै गएको हो भन्ने पुष्टि गर्छ ।