फागुन २३, काठमाडौं । पुष्पकमल दाहाल प्रचण्डको नेतृत्वको सरकारमा अहिलेसम्म चार महिलामन्त्रीहरुको टुंगो लागेको छ । नेकपा एमालेबाट भगवती चौधरी, महिला बालबालिका तथा जेष्ठ नागरिक मन्त्रालय र ऐमालेबाटै ज्वालाकुमारी साह कृषिमन्त्री, माओवादी केन्द्रबाट सञ्चार तथा सूचना प्रविधिमन्त्री रेखा शर्मा र राष्ट्रिय स्वतन्त्र रास्वपबाट सुमना श्रेष्ठले शिक्षा मन्त्रालय सम्हाल्ने भएका छन् । मन्त्रीको रुपमा सुमना श्रेष्ठ पहिलो पटक सरकारमा सहभागी हुने भएकी छन् ।
नेकपा माओवादीसँग काग्रेसको सत्ता गठबन्धन फुटेपछि केहिदिन यता प्रधानमन्त्री पुष्पकमल दाहाल प्रचन्डको नेतृत्वमा बनेको नयाँ सरकारमा नेकपा एकीकृत समाजवादीबाट २ जना मन्त्री सहभागी हुने भएका छन् । नेकपा एमालेबाट सरकारमा सहभागी हुने ८ जनाको मन्त्रालयको टुंगो लागेको छ । यस्तै, राष्ट्रिय स्वतन्त्र पार्टी रास्वपाले पनि सरकारमा सहभागी हुने ४ जनाको नाम टुंगो लगाएको छ भने नेकपा माओवादीबाट प्रधानमन्त्री सहित ६ जना सहभागी हुने भएका छन् । यो सँगै सरकारमा जाने २० जनाको टुंगो लागिसकेको छ ।