मंसिर २९, काठमाडौं। गत महिना मलेसियामा आयोजित इन्टरनेस्नल इपो फेसन विकमा नेपालका चर्चित डिजाइनर प्रेम देवले मिथिला थिमका पहिरनलाई प्रस्तुत गर्न सफल भएका छन् । नेभेम्वर ९ देखि ११ गतेसम्म अयोजित उक्त कार्यक्रममा नेपाली डिजाइनर यसरी सहभागी हुन पाउनु यो क्षेत्रका लागि गौरवको कुरा हो । आफ्नो देशको पहिचान बोकेको पहिरन मलेसियामा आयोति फेसन सोमा फेसन महासंघ नेपालबाट छनोट भएर नेपालको प्रहितनिधित्व गर्ने उनी पहिलो व्यक्ति हुन् । उक्त मेघा फेसन सोमा फेसन महासंघ नेपालका डाइरेक्टर नविन लुइटेल, सचिव राजन ढुंगेल र प्रमोटर दिपक न्यौपाने सहित उपस्थित डिजाइनर प्रेम देवले अन्तर्राष्ट्रिय र्याम्पमा नेपाली पहिचान झल्किने मिथिला पहिरनको महत्व स्वदेशमा समेत दर्शाउन सफल भएका छन् ।
प्रेम देवले मिथिला थिमका १२ वटा डिजाइन फेसन सोमा प्रस्तुत गरेका थिए । उक्त पहिरनहरु अन्र्तराष्ट्रिय मोडलहरुले लगाएर र्याम्पमा उत्रिए । सोमा उपस्थित दर्शकले मिथिला थिमका पहिरन देखेर पे्रम देवलाई जिज्ञासा राख्ने र प्रसंसा गर्न समेत भ्याए । पहेंलो रंगलाई शुभ मानिने मिथिला कल्चर उक्त डिजाइन पनि पहेंलो रंगमा खेलेर तयार पारिएको थियोे ।
मिथिला कल्चरको पहिरन देश बाहिर पहिलो पटक मेघा सो मार्फत प्रस्तुत गरेका डिजाइनर प्रेम देव इन्टरनेस्नल इपो फेसन विक र मलेसियाको इपो स्टेटका मेयरबाट सम्मानित भएका छन् ।
नेपाली पहिचान बोकेको आकर्षक पहिरन अन्तर्राष्ट्रिय र्याम्पमा उतारेका डिजाइनर प्रेम देवको फेसनप्रतीको लगाव र सिपलाई देखेर श्रीलंकामा आयोजना हुने श्रीलंका फेसन विकबाट पनि नेपालको प्रतिनिधित्व गर्दे सोमा भाग लिने अवसर आएको उनले जानकारी दिए ।
नेपाली फेसन डिजाइनमा लोकप्रिय डिजाइनर प्रेम देव यो क्षेत्रमा प्रवेश गरेको एक दशक भयो ।