साउन १०, काठमाडौं । सामाजिक संजालको सहुलियत थिएन । अहिलेको जस्तो हात–हातमा मोवाइल भएको भए कुरा फरक हुने थियो । बिना चिनजान बिना देखभेट वैवाहिक जीवनरुपी डुंगालाई सफलतापुर्वक अघि बढाउनु चानचुने कुरा होइन । तेह्रथुममा जन्मिएका हेम पाठक तथा सरिता पाठक यस्ता विविध भौतिक संसाधनबिना जीवनलाई अघि बढँउन सक्ने सफल दम्पत्ति हुन । शालिन तथा आकर्षक व्यक्तित्वका धनी हेम पाठकका पछाडी अनगिन्ति परिवारहरु आफना छोरी दिने होडमा थिए । तर पनि मानिसको जोडी माथिबाटनै बनेको हुन्छ भन्ने साध्य यहाँपनि लागु भएको छ । तेह्रथुमका हेमले तेह्रथुमकै सरितालाई आफनो जीवन संगिनी बनाउन सफल बने । कुनै जमघटमा उनीहरुलाई देख्दा उनीहरुको माया तथा एक अर्काप्रतिको सम्मानको तारिफ जो कोहि गर्छन । व्यक्तित्वमा पनि आकर्षक तथा आफनो व्यवसायिक जीवनमा पनि सफल यो जोडि हामी नेपालीहरु माझ एक उदाहरणिय पनि छ ।
हेम पाठक तथा सरिता पाठक
स्कुले जीवनदेखिनै राजनैतिका आस्था राख्ने हेमलाई राजनैतिक पृष्ठभूमीमा हुर्केकी चेलीलार्इ आफनो जीवन संगिनी बनाउने चाह थियो । तेह्रथुमका प्रधानपंञ्च टंकप्रसाद पाठकको छोरीलार्इ बिवाह गर्ने सपना मनमा बुन्दै थिए । त्यसो त राजनीतिक क्षेत्रमा नाम चलेको परिवारमा आफनो बैवाहिक सम्बन्ध बनाउन पाए आफनो राजनैतिक जीवनमा केहि सवल हुने अभिप्रायले उनी पाठक परिवारको छोरीलार्इ नै आफनो जीवन संगिनी बनाउने योजनामा थिए । मनको यो चाहलाई भगवानले पनि पुरा गरिदिएझै भयो । दुर्इ परिवार बीच कुराकानी भयो देखभेट बिना नै दुबैको विवाह भयो । विवाह पश्चात दुबैको जीवन राम्ररी अघि बढ्यो । स्नाकोत्तरसम्म अध्ययन गरेका हेमको व्यक्तित्व बाट प्रभावित नहुने शायदै कोहि थिए होलान । सरिता पनि आफनो उमेरमा निकै सुन्दर तथा आकर्षक थिइन । विवाहपछि २ छोरीको जन्म भयो । जसलाई दुवैले आफनो मुटुको ढुक्ढुकी मान्छन । अहिले दुवैले अमेरिकामा उच्च शिक्षा पूरा गरि काम सुरुगरिसकेका छन् । दुवैले जीवनमा निकै संघर्षपनि गरेका छन् । हेम सरकारी जगिर खाँदा सरिताले आठराइ प्रकाशनको बागडोरलाई राम्ररी सम्हालेकी थिइन् ।
राजनीतिकमा झुकाव राख्ने हेमको घरमा हरदम पाँहुनाको ओइरो हुन्थ्यो त्यो सबैको व्यवस्थापन सरिता थिइन् । आफनो श्रीमानको काँधमा काँध मिलाएर सरिताले हरेक तवरले सघाइन् । हरेक समय हसिलो देखिने सरिताको मुहारले जीवन साकार बनेको बताउँछन हेम । बिश्वकै अवसरहरुको गन्तव्य मानिने अमेरिकाको टेक्सस् राजधानी अष्टिनमा हेमा तथा सरिताले आफनो जीवनको डुंगालाई अघि बढाइरहेका छन् । बिदेशी भुमि भएपनि यी जोडिले आफनो मेहेनत तथा एकअर्काको साथले गर्दा आफनो छुट्टै पहिचान बनाउन सफल बनेका छन् । अमेरिकामा बसोवास गरेपनि उनीहरुले नेपालमा अनाथ बालबालिकाहरुकालागि उग्रतारा स्कुल स्थापना गरेका छन् । हरेक वर्ष हेम सरिता फाउन्डेशनको तर्फबाट संगीत तथा पत्रकारिताको विविध बिधामा कलम चलाउने सर्जकहरुलाइ पुरस्कारको व्यवस्था पनि गरेका छन् । सम्मान स्वरुप देशको हितमा काम गर्नेहरुकालागि यो पुरस्कारको स्थापना गरिएको हो । अमेरिकामा रहे पनि यो जोडीलाइ नेपालको मायाले छोडेको छैन । हेम पाठक तथा सरिता पाठक अमेरिकामा बसोवास गर्ने नेपालीहरुमा माझ चिरपरिचित नाम पनि हो ।
हेमले यसरी व्यक्त गर्छन सरिताको राम्रो पक्ष
सरिता निकै शालिन तथा सादगीपनले भरिएकी छिन् । मेरो हरेक कुरा एक एक याद गर्छिन् । अहिले पनि बिहान उठेदेखि खाना देखि पोशाकको तयारी उनी आफै गरिदिन्छिन् । त्यसैले होला उनी बाहिर गएको बेलामा मलाइ एकलोपना महसुस हुन्छ ।उनी झुठो बोलेर चिप्लो घसेर अल्पकालीन जीवन जीउन चाहदिनन् । दुई दशकमा उनीले मेरा हरेक पाईलामा एक सवल जीवन संगिनी बनेर सघाइरहेकी छिन् । मैले गर्ने सामाजिक अभियानमा उनीले पनि तन मनले सहयोग गरिरहेकी छिन् । उनी पैसालाइ कहिले पनि प्राथमिकता दिन्नन । म सामाजिक सेवामा लाग्न सकेको पनि उनको यहि भावनाले गर्दा हो । मेरो सामाजिक तथा राजनैतिक जीवनलार्इ नै सहज बनाउन सरिताको अहम भुमिका छ । मैले सामाजिक सेवामा जत्ति खर्चेपनि यसमा कुनै अंकुश लगाउँदिनन् । अझ अरु सेवा विस्तार गर्न सल्लाह दिन्छिन् ।
सरिताले यसरी व्यक्त गरिन हेमको राम्रो पक्ष
हेर्दा जत्ति हेम सरल देखिन्छन उनी आफनो कर्ममा निकै सवल छन् । मृदुभाषी हेम कहिले धाकधक्कु लगाउन मन पराउँदैनन् । उनी जे गर्छु भन्छन गरेर छाड्छन् । सदैव आफनो व्यक्तिगत जीवन तथा सामाजिक जीवनलाई सन्तुलित बनाएर अघि बढाउन सक्ने एक सफल व्यवस्थापक हुन् । परिवारको कर्तव्यनिष्ठ छोरा तथा देशको मेहेनती जनशक्ति हुन् । सबैलाई गरौ भन्ने भावनाले गर्दा उनीप्रति सम्मान दिनहु बढिरहेको छ । दुई छोरीहरुलाई बाटो देखाएर एक सफल नागरिक बन्न हरेक समय सल्लाह दिन्छन् । बाबुको प्रोत्साहनले गर्दा छोरीहरुले पनि आफनो क्षेत्रमा राम्रो गरिरहेका छन् । उनी महिलाहरुलाई निकै सम्मान गर्छन् । एक श्रीमान, छोरा तथा बाबुको यी सबै भुमिकामा उनी सफल छन् ।
हेम र सरिताको नमिल्ने बानी व्यहोरा
सरिता पाककलामा निकै निपुण छिन् । उनले पकाएको खानाको जोकोहिले तारिफ गर्छन् । तर हेमलार्इ केहि पकाउन आउँदैन । सरिता निकै फेशन कन्सियस छिन निकै अपटुडेट भएर उनलाई हिड्न पर्छ भने हेमलाई अहिले पनि पोशाकको चयन सरिताले गरिदिनु पर्छ ।
हेमको नजरमा सरिता
पहिरन- बिशेष साडी खुल्छ
मनपर्ने- खानेकुरा नेपाली टक्क परेको ।
शौख- घुम्न मनपराउने ।
फुर्सदको समय- किताब पढने ।
सम्पत्ति- मिठो मुस्कान
नराम्रो बानी- अहिलेसम्म ठम्याउन सकेको छैन ।
रिसाउदा- फकाउन सजिलो
कस्ति जीवन संगिनी- सुपर
मनपर्ने रंग- ब्राइट
एक वाक्यमा- सरिता अकबरी सुन हुन् ।
सरिताको नजरमा हेम बिश्लेषण
पहिरन - सुटमा
खाना- मैले पकाएको फर्सी
रिस- एकदम कम
कस्तो श्रिमान- सपोर्टिभ
बानी- देशको चिन्तन
खाली समय- किताब पढने ।
एक वाक्यमा- समाज तथा परिवारको सन्तुलन गर्न सक्ने सच्चा व्यक्तित्व ।
वैवाहिजीवनलाई सफल बनाउने अस्त्र
वैवाहि जीवनमा म होइन हामी भन्ने कुरालइ कहिले भुल्नु हुदैन । हामी भन्ने शब्दले सदैव एक अर्कालाइ एकआपसमा बाधेर राख्छ । त्यस्तै एक अर्कामा सम्मान गर्नुपर्छ । मनमा रहेको इगोलाइ फालेर मनलाई सफा तुल्याउनु पर्छ । एक अर्काले गरेको कुनैपनि प्रयासलाई सम्मान गरेर त्यसलाइ पुरा गर्ने सहयात्री बन्नु पर्छ । अर्को वैवाहिक जीवन सदैव विश्वासमा टिकेको हुन्छ । एक आपसको विश्वासले परिवारिक गाडिलाई बिना कुनै एक्सिडेन्ट अघि बढाउन सकिन्छ ।