असार ३२, काठमाडौं । पछिल्लो समय महिला उद्यमीको आर्थिक पहुँचमा अग्रसरता बढिरहेको छ । ठमेलस्थित सगरमाथा बजार मण्डला स्ट्रीटमा रहेको क्रिएटर ह्यान्डिक्राफ्टकी संचालक निर्मला थापा रोबर्टस पनि सफल महिला उद्यमीका नामले परिचित छिन् । १९ वर्षअघिबाट सुरु गरेको क्रिएटर ह्यान्डिक्राफ्ट अहिले देशी तथा विदेशी महिलाहरुको विभिन्न एसेसरीज खरिद गर्ने उपयुक्त गन्तव्य बनेको छ ।
सात जना महिला दिदीबहिनीलाई रोजगारी समेत दिएकी निर्मलालाई उनको परिश्रम, श्रीमानको साथ र काम गर्ने हौसलाले गर्दा ह्यान्डिक्राफ्ट खरिद गरेर नै दैनिक दश हजार कमाउने गरेको बताउँछिन् ।
नेपाली कच्चा पदार्थबाट तयार गरिने क्रिएटरका ह्यान्डिक्राफ्ट महिला र पुरुष दुवैका लागि उपयोगी र समय सान्दिर्भक छन् । हड्डी, सिंग, तामा जस्ता बस्तुबाट निर्मलाले इयरिङ्ग, नेकलेस, ब्रासलेट, रिङ्ग आदि रु १५० देखि २५०० सम्मका एसेसरिका विदेशी ८० र नेपाली २० प्रतिशत ग्राहक छन् ।
सरकारी सुविधा बारे बेखबर निर्मला समय अभावका कारण आफ्नै देशमा हुने प्रदर्शनीमा भाग लिन नसकेको गुनासो पोख्छिन् । यस्तै, ठमेल एरिया वर्षैभरि सिजन हुने हो भने ग्राहकहरुलाई ह्यान्डिक्रफ्ट सस्तोमा बेच्न सक्ने बताउँछिन् । उनले व्यवसायमा सोचे जस्तो सफलता हासिल गर्न महिलाहरुलाई प्रविधिको ज्ञान बटुल्न सल्लाह समते दिइन् ।
तस्विर: मनोज बाबु /काठमाडौं