पहिलो महिला परराष्ट्र सचिव बनिन् सेवा लम्साल

मंसिर २८,काठमाडौं । बिहीबार बसेको मन्त्रिपरिषद बैठकले सेवा लम्साललाई परराष्ट्र सचिवमा नियुक्त गरेको छ । परराष्ट्र मन्त्रालयका सचिव भरतराज पौड्याललाई क्यानडाका राजदूत सिफारिस भएपछि लम्सालले निमित्त परराष्ट्र सचिवको रूपमा जिम्मेवारी सम्हालिरहेकी थिइन् ।

परराष्ट्रतर्फ रिक्त एक सचिव पदका लागि लोकसेवा आयोगका अध्यक्ष माधवप्रसाद रेग्मी नेतृत्वको बढुवा सिफारिस समितिले सहसचिव लम्सालको नाम सिफारिस गरेको छ । बढुवासँगै लम्सालको परराष्ट्र मन्त्रालयको सचिवमा पदस्थापन पनि भएको छ ।