६६९ निर्वाचन अधिकृतमा ३० महिला

काठमाडौ‌ । निर्वाचन आयोगले मंगलबार सार्वजनिक गरेको कुल ७५ मुख्य निर्वाचन अधिकृतमा एक जना पनि महिला परेका छैनन् । निर्वाचन अधिकृतमा भने करिब ४ प्रतिशत अर्थात ३० जना महिला परेका छन् ।

आयोगले ७ सय ४४ स्थानीय तहका लागि सूची सार्वजनिक गरेको हो । मुख्य निर्वाचन अधिकृतमा जिल्ला न्यायाधीश नियुक्त गर्नुपर्ने प्रावधान भएको र ७५ वटै जिल्लामा महिला न्यायाधीश नहुँदा मुख्य निर्वाचन अधिकृतमा महिला आउन नसकेको आयोगका प्रवक्ता तथा सहसचिव सुर्य प्रसाद शर्माले बताउनुभयो । ‘हामीले सरकारले पठाएको नामकै आधारमा मुख्य निर्वाचन अधिकृत नियुक्त गरेका हौँ, जिल्लामा जिल्ला न्यायाधीश महिला नभएकाले मुख्य निर्वाचन अधिकृतमा महिला नपरेका हुन् ।’ प्रवक्ता शर्माले भन्नुभयो । शर्माका अनुसार कानुन मन्त्रालय र सामान्य प्रशासन मन्त्रालयले दिएको नामको आधारमा आयोगले मुख्य निर्वाचन अधिकृत र निर्वाचन अधिकृत छनौट गरेको बताउनुभयो । निर्वाचन अधिकृतमा भने करिब ४ प्रतिशत अर्थात ३० जना महिला परेका छन् ।

आगोगले सबै निर्वाचन क्षेत्रमा कुल ६ सय ६९ जनालाई निर्वाचन अधिकृतमा नियुक्त गरेको हो । न्याय तथा प्रशासन सेवाका उपसचिवलाई स्थानीय तहको निर्वाचन अधिकृतमा नियुक्त गरीएको आयोगले जनाएको छ । आयोगका अनुसार मुख्य निर्वाचन अधिकृतले बैशाख ३ र निर्वाचन अधिकृतले वैशाख १२ गतेदेखि प्रत्येक स्थानिय तहको केन्द्रमा कार्यालय खोल्नुपर्ने छ । महिला खबरमा प्रकाशित खबर ।

निर्वाचन अधिकृत पदमा नियुक्त भएका महिला अधिकृतको सूची