सृष्टी खड्का देशकै पहिलो महिला गुल्मपति

काठमाडौं। नेपाली सेनामा पहिलो पटक महिला अधिृकत सृष्टी खड्कालाई  गुल्मपतिको जिम्मेवारी दिइएको छ । सेनाले महिलाहरुलाई मात्र समेटेर पहिलो पटक खोलेको गुल्मको प्रमुखमा महिलालाई नै गुल्मपती बनाएको हो ।

नेपाली सेनाले हाल सेवादलमा कार्यरत मेजर सृष्टी खड्कालाई साउन १ गतेको सरुवामा गोरखकाली गुल्मको गुल्मपतीको जिम्मेवारी दिएको  हो । 

उपत्यका पृतना भित्र रहने गरी सेनाले महिला गुल्म बनाएको छ । सेनामा स्टाफ कलेज नगरेकोलाई गुल्मपति नदिने नियम भएपनि महिला गुल्मको हकमा भने त्यो नियम लागु  भएको छैन् । सेनानी खड्का २०६१ माघ १७ मा अधिकृत क्याडेटका रुपमा नेपाली सेनामा प्रवेश गरेकी हुन् । उनको पहिलो पोष्टिगं राजदल गणमा भएको थियो।

त्यसपछि उनले सेनाको मनोवैज्ञानिक शाखा,सुदुरपश्चिम पृतना हेडक्वार्टर  र  राष्ट्रिय सेवा दलमा काम गरेकी थिईन ।  मेजर खड्कासंग शान्ती स्थापनार्थ सुडानमा समेत काम गरेको अनुभव छ । खड्काको बेसिक आर्टीलरी भएपनि उनले प्रायजसो इन्फेन्ट्री युनिटमा बसेर काम गरेकी  छन् ।

सैनिक प्रवक्ता झंकरबहादुर कडायतले गुल्मपतीको लागी स्टाफ कलेज अनिवार्य नहुने बताए । "गुल्मपति हुन सवैको हकमा स्टाफ कलेज नै गरेको हुनुपर्ने भन्ने नियम लागु हुदैन, गणपति र गुल्मपति राम्रा र उत्कृष्ठ काम गरेका नन स्टाफ कलेज सैनिक अधिकृतलाई पनि दिने चलन छ ।”  सैनिक प्रवक्ता कडायतले भने ।