पुस २४, काठमाडौं । बाजुरा जिल्लाको प्राथामिक स्वास्थ्य केन्द्र कोल्टिमा सुत्केरीको मृत्यु भएको छ । हिजो राति हुम्लाको ताँजाकोट गाँउपालिका -५ डोप्ककी २३ बर्षीया अन्सुको प्राथामिक स्वास्थ्य केन्द्रमा उपचारको क्रममा मृत्यु भएको छ ।
सुत्केरी भएको ११ दिन पछि श्वाशप्रश्वाशमा समस्या देखिएपछि पहिला स्वास्थ्य चौकीमा र जटिल भएपछि उनलाई प्राथामिक स्वास्थ्य चौकीमा रिफर गरिएको हुनाले त्यहाँ लगिएको उनका ससुरा जीतबहादुरले बुढाले बताए ।
उनले सुत्केरी भएदेखि बुहारी र नातिनीको स्वास्थ्य अवस्था ठीक भए पनि एक्कासि बुहारीलाई ज्वरो आएको र टाउको दुख्यो भने पछि उपचारका लागि स्वास्थ्य संस्था लगिएको बताए। सुत्केरी अवस्थामै समस्या देखिएपछि बुढालाई उपचार सम्भव नहुने भन्दै मदाना स्वास्थ्य केन्द्रले सुविधा सम्पन्न ठाउँमा लैजान रेफर गरेको थियो।
सुत्केरी अवस्थामा अक्सिजनको कमि भएपछि उनलाई तत्काल रिफर गरिएको थियो तर परिवारले उनलाई सुविधायुक्त अस्पतालमा लैजान नसकेका कारण उनको मृत्यु भएको अहेव सम्झना भण्डारीले बताएकी छन् ।