साउन ६, काठमाडौं । पछिल्लो समय कमाइका लागि होस या त अध्ययनका लागि विदेशिनेहरुको संख्या दैनिक जसो बढ्दै गएको छ । विशेष साउदी कतार र दुबाई जस्ता खाँडी मुलुकमा कमाउन जाने नेपालीहरुको संख्या भने अधिक छ । विदेशीनुपूर्व कमाउन जाने सोच बनाएकाहरुले धेरै कुराको जानकारी लिनु आवश्यक छ ।
विदेशमा पैसा सहजै कामाइ हुन्छ भन्ने एक खालको भ्रम पालेर विदेशीनेहरु त्यहाँ पुगेपछि निराश हुनुभन्दा जानुपूर्व धेरैकुरा थाहा पाएर खुट्टा उचाल्नु उपयुक्त हुन्छ । यदि समयमा यस्ता कुरामा ध्यान नदिने हो भने जिवनमा पछुतो हुन्छ ।
यस्ता छन् वैदेशिक रोजगारी जानुपूर्व तथा गइसकेपछि ध्यान दिनुपर्ने महत्वपूर्ण जानकारी :
1. घर सल्लाह गर्ने । कहिलेपनि एकल निर्णय गर्नु हुदैन् ।
2. सम्पूर्ण आवश्यक कागाजात तयार पार्ने ।
3. जानकारहरुसंग परामर्श लिने ।
4. आधिकारिक मेनपावर छनोट गर्ने ।
5. सिप तथा भाषाको तालिम साथै आफूजाने देशको बारेमा जानकारी लिने ।
6. स्वास्थ्य परिक्षण गर्ने ।
7. अभिमुखिकरण तालिम लिने ।
8. नेपालमा शुल्क तिर्नुपर्ने भए आधिकारिक मेनपावरको खाता जम्मा गरि तिर्ने र भरपाई लिने ।
9. नेपालमा बिमा गर्ने तथा वैदेशिक रोजगार शाखाबाट श्रम स्विकृत लिने ।
10. नेपालको एयरपोर्ट मार्फत मात्र विदेश जाने । भारतबाट जानुपर्छ भनेर मेनपावरले भनेमा सोच्नुस तपाई अप्ठोरोमा यात्रामा निक्लदै हुनुहुन्छ ।
11. आफू गएको देशको एयरपोर्टमा सम्वन्धित कम्पिनीको आधिकारीक मान्छे नआएमा नेपालको सम्वन्धित मेनपावरमा सम्पर्क गर्ने साथै नेपाली दुतावासमा खबर गर्ने ।
1 2. सम्वन्धित देशको कानुनी, आर्थिक र स्वास्थ्य तथा अन्य पक्षको जानकारी लिने ।
13. कमाएको पैसा घर पठाउँदा बैंक तथा मनिट्रान्सफरबाट मात्र पठाउने ।
14. सम्वन्धित कम्पिनीमा आफ्नो करारनामा सकिएपछि पुनः काम गर्ने इच्छा भए आफ्नो विमा तथा श्रम स्विकृती पुनः नविकरण गराउन आफ्नो परिवारलाई जानकारी गराउने ।
15. स्वदेश आउँदा आफुले गर्ने तयारीको बारेमा जानकारी लिने ।