लकडाउनले मानिस जम्मा हुन नदिएपछि भर्चुअल विवाह

बैशाख ८, काठमाण्डौ । भारतको महाराष्ट्रमा कोरोनाभाइरसको संक्रमण कम हुुने नाम लिइरहेको छैन । भारत सरकारले कोरोना संक्रमणका घटना कम गर्न लकडाउन र कडा प्रतिबन्धको नियम लागू गरेको छ । यसमा सार्वजनिक रुपमा विवाह गर्न नपाइने नियम पनि रहेको छ । तर, सरकारको यस्तो नियमको बाबजुुद मुुम्बइका एकजना युुवकले बरेलीकी एक युुवतीसँग भिडियोमार्फत भर्चुुअल विवाह गरेका छन् । 

दुवैजना युवा युवतीले विवाह सम्बन्धी वेभसाइटको माध्यमबाट जुुम एपको अनलाइन लाइभ भिडियो स्ट्रीमिङमा सात जुनी सँगै रहने कसम खाँदै सात फेरा लिएका छन् ।  

भर्चुअल विवाहमा १५० भन्दा धेरै आफन्तहरु सहभागी भएका थिए । १६ हजार दर्शकले यो लाइभ भिडियो विवााहलाई लाइक गरेका थिए ।

मुुम्बइमा बस्ने दुुलाहा सुषेन डंगले १४०० किलोमिटर टाढा रहेको बरेलीमा बस्ने कृती नारंगसँग भिडियो कन्फेरेन्सीङमार्फत लगनगाँठो कसेका हुुन् । विवाहको क्रममा बेहुला र बेहुली पक्षका तर्फबाट सामाजिक दुरीको पालना गरिएको थियो । 

विवाहका लागि मन्त्र उच्चारण गर्न छत्तीसगढका पण्डित पनि भर्चुअल रुपमा कनेक्ट भएका थिए । 

सुुषेन क्यानडामा एक आइटी कम्पनीमा कार्यरत छन् । उनका आमा बुुवा मुुम्बइमा बस्ने गर्छन । सुुषेन विवाहका लागि क्यानडाबाट मुुम्बई आएका थिए । उनको विवाह आइतबार उत्तराखण्डमा हुने तय भएको थियो । यसका लागि पहिले नै रिसोर्ट बुक भइसकेको थियो । तर लकडाउनका कारण उनीहरुको योजना तुहियो । 

यस्तैमा उनलाई एकजना साथीले अनलाइन विवाह गर्ने सुझाव दिए । जुुन सुझावलाई दुवैतर्फका आमा बुबाले अनुमति दिएका थिए । कृतिका परिवारका सदस्यहरु सामाजिक सञ्जालमा त्यति सक्रिय नभएकाले उनीहरुलाई अनलाइन विवाहका लागि मनाउन धेरै समय लागेको थियो । 

सम्पूर्ण विधि पूरा गरेर विवाह सम्पन्न भएपछि भने कृतिका परिवारका सदस्यहरु पनि खुसी भएका छन् । विवाहमा गरिने सम्पूर्ण संस्कारहरु अनलाइन नै गरिएको थियो । परिवारका सदस्यहरु पनि अनलाइनमार्फत जोडिएका थिए ।