काठमाडौं । पत्रकार तथा साहित्यकार यशोदा अधिकारीको बालकथा संग्रह ‘जुरेली र मयुर’ को लोकार्पण गरिएको छ । कृतिको एक समारोहकाबीच साझा प्रकाशन पुल्चोकमा प्रमुख अतिथि तथा साहित्यकार प्रदिप नेपाल, बाल साहित्यका इतिहासकार प्रमोद प्रधान, अन्नपूर्ण पोषट राष्ट्रिय दैनिकका बालपृष्ठ अकुरका संयोजक रामकला खड्का र पत्रकार अनन्त वाग्लेले संयुक्त रुपमा पुस्तकको विमोचन गरेका थिए ।
रेडियो नेपालमा कार्यरत पत्रकार तथा साहित्यकार अधिकारीको यस पुस्तकका कथाहरुमा कलाकार राजकुमार प्रजापतिले चित्र बनाएका हुन् ।
कार्यक्रमका प्रमुख अतिथि तथा साहित्यकार प्रदिप नेपाल, पत्रकार अनन्त वाग्ले, साहित्यकार प्रमोद प्रधान, साझा प्रकाशनका अध्यक्ष डोलेन्द्र शर्मा, अन्नपूर्ण राष्ट्रिय दैनिकका अकुरपृष्ठ संयोजक रामकला खड्का लगायतले कृतिमाथि समिक्षा गरेका थिए।
कार्यक्रममा वक्ताहरुले बाल साहित्य नयाँ पुस्तामा आकर्षणको विषय भएको भन्दै उमेरगत आधारमा बाल साहित्य लेखिनुपर्ने बताए । पत्रकार तथा साहित्यकार अधिकारीले यो बालकथा ५ वर्षदेखी १२ वर्ष उमेर समूहका बालबालिकाका लागि उपयुक्त भएको बताएकी छिन् ।