मानव बेचबिखनविरुद्ध क्रियासिल शक्ति समूहलाई ‘विथ एण्ड फर गल्र्स अवार्ड’

काठमाडौं। मानव बेचबिखनविरुद्ध क्रियासिल संस्था शक्ति समूहले बेलायतमा फेरि अर्काे ५० हजार अमेरिकी डलर अर्थात ५३ लाख रुपैयाँको ‘विथ एण्ड फर गल्र्स अवार्ड’, जितेको छ । शक्ति समूहले प्राप्त गरेको सो रकम बेचबिखन तथा यौनजन्य हिंसाबाट प्रभावित किशोरीहरुको शिक्षादिक्षा र स्वावलम्वी कार्यक्रममा खर्च गरिने अध्यक्ष बालकुमारी रानाले जानकारी दिइन्।

लण्डनमा आयोजित कार्यक्रममा अवार्ड तथा पुरस्कार प्राप्त गरेपछि शक्ति समूहकी कार्यकारी निर्देशक सुनिता दनुवारले थप अर्काे अन्तर्राष्ट्रिय सम्मानले बेचबिखन विरुद्धको अभियानले विश्वव्यापिकरण पाएको बताएकी छिन् ।

यसअघि, शक्ति समूहले अमेरिका, बेलायत, स्वीडेन, ताइवान, लगायतका दशेबाट अवार्ड पाइसकेको छ । यसैगरी, एशियाको नोबल पुरस्कार मानिने रोमन म्यागासेसे पुरस्कार समेत शक्ति जितिसकेको छ ।