माझी बस्ती निमार्णमा रंगकर्मी नानी थापाको सहयोग

असार २९, काठमाडौं । रंगकर्मी नानी थापाले बुधबार आफ्नो जन्मदिनको अवसर पारेर एकीकृत नमुना माझी बस्ती निर्माण सहयोगार्थ १ लाख रुपैयाँ  सहयोग गरेकी छन् । सिन्धुपालचोकस्थित सांगाचोकमा निमार्णधिन एकिकृत नमुना माझि बस्ति निमार्णकार्यका लागि आर्थिक सहयोग गरेकी हुन् । 

लोट्स फोटोग्राफी स्कुलको प्रस्तुती रहेको नानी थापाद्धरा लिखित, निर्देशित र प्रस्तुत एकल नाटक ‘जुनकिरी’ गुरु अशेष मल्लप्रति गुरु दक्षिणस्वरुप समर्पण गरेकी थिइन् । सोही नाटकबाट संकलित १ लाख रुपैया“ नाट्यकर्मी अशेष मल्ल र आमा लिला थापाको हातबाट स्वेताश्री फाउन्डेसनकी अध्यक्ष नायिका  श्वेता खड्कालाई हस्तान्तरण गरेकी छन् । 

सांस्कृतिक संस्थान नाचघरमा आयोजित एक कार्यक्रमका बीच मञ्चबाटै रकम हस्तान्तरण गरिएको थियो । साथै नाटकको लेखकिय, निर्देशकिय, प्रस्तुति र यसको विषयवस्तु तथा सान्दर्भिकताबारे बहस गरिएको थियो । कार्यक्रममा अशेष मल्ल, प्रोफेसर डा. सावित्री मल्ल, समालोचक डा. बिन्दु शर्मा, सांस्कृतिक संस्थानका प्रबन्धक निर्देशक राजेश थापालगायत सहभाती थिए ।