भदौ १६, काठमाडौं । महिला बालबालिका तथा समाज कल्याण मन्त्री आशा कोइरालाको प्रेस संयोजकमा पत्रकार सुशीला केसी (आस्था) नियुक्त हुनुभएको छ ।
केसीले भदौ १२ गते सोमबारदेखि औपचारिक रुपमा मन्त्री कोइरालाको प्रेस संयोजकको कार्यभार सम्हाल्नुभएको हो । केसी हाल थाहा खबर अनलाईनका सह–सम्पादक हुनुहुन्छ । महिला खबरमा प्रकाशित
२०६३ देखि पत्रकारिता गर्दै आउनु भएकी केसी रेडियो गणतन्त्र राप्तीको स्टेशन म्यानेजर, एबिसी टेलिभिजन, आठमार्च र रातोपाटी अनलाइनमा संवाददाता रुपमा काम गरिसक्नुभएको छ ।
केसी हाल काठमाडौं बसेर पत्रकारिता गर्दै आउनुभएको छ । राजनीतिक शास्त्रबाट स्नातक उतिर्ण गर्नुभएका केसीले राजनीतिक, बिटका साथै सामाजिक विषयमा कलम चलाउदै आउनुभएको छ । उहाँ प्रेस सेन्टरका केन्द्रीय सचिव समेत हुनुहुन्छ ।
हालको मन्त्रीमण्डलमा गृहमन्त्री जनार्दन शर्माको प्रेस संयोजकमा पत्रकार लक्ष्मी पुन हुनहुन्छ । यसअघि तत्कालीन पर्यटन मन्त्री आनन्द पोखरेलको पालामा पत्रकार कालिका खड्का थामी पत्रकार महिलाको प्रतिनिधित्व गर्दै प्रेस संयोजक नियुक्त हुनुभएको थियोे ।