मंसिर २७, काठमाडौं। साहित्यकार उषा शेरचनलाई भूपि काव्य पुरस्कार कवि भूपि शेरचनको स्मृतिमा दिइने भएको छ ।
उनका परिवारबाट स्थापित थकाली सेवा समिति पोखराद्वारा प्रदान गर्ने यस वर्षको भूपि काव्य पुरस्कार काठमाडौँकी उषा शेरचनलाई दिइने भएको छ ।
आगामी पुस १० गते ८९औँ भूपि जयन्तीका अवसरमा पोखरामा कार्यक्रमको आयोजना गरी साहित्यकार शेरचनलाई उक्त पुरस्कार प्रदान गरिने छ ।
विसं १९९२ पुस १० गते मुस्ताङमा जन्मिएका भूपि लेखनको आरम्भिक चरणमा सर्वहाराका लागि कविता लेख्दै पछि समसामयिक विषयमा सरस र व्यङ्ग्यात्मक कविता लेख्दै सशक्त कविका रुपमा स्थापित बनेका थिए । उनको ‘घुम्ने मेचमाथि अन्धो मान्छे’ कवितासङ्ग्रह ९२०२५० लाई नेपाली कवितामा विशिष्ट मानिन्छ ।
भूपिले सो कृतिबाट २०२६ सालको साझा पुरस्कारसमेत पाएका थिए । नारायण गोपालको स्वर र भूपिको शब्द रहेको अल्झे छ क्यारे पछ्यौरी गीत निकै चर्चित छ । परिर्वतन नाटक ९२०१००, नयाँ झ्याउरे कविता ९२०१०० र निर्झर कविता ९२०१५० उनका प्रकाशित कृतिहरू हुन् ।
पुरस्कृत हुने उषाका नजन्मेका आस्थाहरू कविता सङ्ग्रह ९२०४८०, अक्षरहरूका शिविरबाट मुक्तक सङ्ग्रह ९२०५६०, सर्वकालीन पीडा र जागृतिका शंघोष कविता सङ्ग्रह २०६३, तेस्रो रङ्ग कथा सङ्ग्रह ९२०७००, आँधी उपन्यास ९२०७६० लगायत दर्जनभन्दा बढी कृतिहरू प्रकाशित छन् ।
उषाले यसअघि व्यथित काव्य पुरस्कार २०४३, व्यथित काव्य बनिता पुरस्कार ९२०६९०, योगेश्वर कला सहित्य पुरस्कार ९२०७००, नातिकाजी सङ्गीत पुरस्कार ९२०७२०, वासु शशि स्मृति वानिरा पुरस्कार ९२०७८०, पारिजात राष्ट्रिय प्रतिभा पुरस्कार ९२०५७० बाट पुरस्कृत भइसकेकी छन् भने रत्नश्री सुवर्ण पदक २०४०, कविता महोत्सव पदक ९२०४५०, वीरेन्द्र ऐश्वर्य सेवा पदक ९२०५८०, विश्वनारी नेपाली साहित्य पदक ९२०७१०, भानुभक्त स्वर्ण पदक ९२०७१० र सत्यमोहन जोशी शताब्दी पदक ९२०७३० पाइसकेकी छन् ।