पुस २४, काठमाडौं । रकम ठगी गरेर पोल्याण्ड पठाउछु भन्ने महिलालाई प्रहरीले पक्राउ गरेको छ । प्रहरीका अनुसार पक्राउ पर्नेमा दोलखा भिमेश्वर नगरपालिका-५घर भइ हाल काठमाडौंको तार्केश्वर नगरपालिका -८ जरंखु बस्ने पूजा श्रेष्ठ हुन् ।
काठमाडौं उपत्यका अपराध अनुसन्धान कार्यालयका प्रवक्ता प्रहरी उपरीक्षक रविन्द्र रेग्मीले पीडित कला पुनलाई वैदशिक रोजगारीका लागि पोल्याण्ड पठाइदिने बहानामा २ लाख ५० हजार रुपैयाँ लिएर फरार भएको उजुरीका आधारमा खोजतलास गर्ने क्रममा श्रेष्ठलाई सोमबार नयाँ बानेश्वरबाट पक्राउ गरेको जानकारी दिए।
पक्राउ परेकी श्रेष्ठले पोल्याण्ड जान ८ लाख ५० हजार रुपैयाँ लाग्ने,त्यहाँ पुगेपछि प्रतिष्ठित होटलमा काम लगाइदिने र महिनाको १ लाख १५ हजार तलब हुने भन्दै प्रलोभनमा पारेर पुनबाट पटकपटक गरी २ लाख १५ हजार लिइ फरार रहेको प्रहरीको अनुसन्धानबाट खुलेको छ।