मंसिर २९ , काठमाडौं । आफूले इजलासमा बसेर जे देखेको हो, त्यही राय फैसलामा लेखेको उनले बताइन् ।जवाफमा सर्वोच्चमा प्रस्तावित न्यायाधीश सुवेदीले भनिन्, ‘मैले दिएको आदेश गलत थियो भनेर आत्मालोचना गर्नुस् भन्नुभयो । त्यो मैले गर्न सक्दिनँ ।’सर्वोच्च अदालतमा प्रस्तावित न्यायाधीश शारङ्गा सुवेदीले आरती साहको मुद्दामा आफूले गरेको फैसलामा आत्मालोचना नगर्ने बताएकी छन् ।
सुवेदीविरुद्ध साहको माइती परिवारले संसदीय समितिमा उजुरी दिएका थिए । संसदीय सुनुवाइका क्रममा सांसदहरुले उच्च अदालत, जनकपुरमा रहँदा गरेको फैसला सर्वोच्च बदर गरेकाले आत्मालोचना गर्नु पर्दैन भनेर प्रश्न सोधेका थिए ।
साहको हत्या गरेको अभियोगमा जिल्ला अदालतले पुर्पक्षका लागि थुनामा पठाएका श्रीमान र ससुरालाई सुवेदी सहितको इजलासले साधारण तारेखमा छाडेको थियो ।
विधि शास्त्रको सिद्धान्तले नै निर्दोष पनि हुनसक्छ, शंका गर्ने ठाउँ छ भने अभियुक्तले शंकाको सुविधा पाउँछ भनेको भन्दै उनले अघि भनिन्, ‘तत्काल प्राप्त प्रमाणलाई हेरेर इजलासमा बस्ने हामी न्यायाधीशहरुले जे देख्यौं, हाम्रो विश्लषेण अनुसार त्यही लेख्यौं ।’
अहिले सर्वोच्च अदालतको इजलासमा बस्ने न्यायाधीशले आफ्नो हिसाबले विश्लेषण गरेर फैसला दिएको भन्दै उनले भनिन्, ‘न्यायिक प्रक्रियामा हुने नै यही हो ।’
यो मुद्दामा सर्वोच्च अदालतले गरेको आदेशपछि पनि भोलि ठहरे बमोजिम हुने उनले बताइन् । आफूले गरेको आदेशको जिम्मेवारी लिने भन्दै प्रस्तावित न्यायाधीश सुवेदीले भनिन्, ‘मैले तत्काल प्राप्त प्रमाण, गिभन ल, संविधानको भावना सबैलाई आधार लिएर (फैसला)गरेको हो ।