काठमाडौं । नेपाल महिला संघको तेस्रो महाधिवेशनबाट अध्यक्षमा उमा रेग्मी विजयी भएकी छन् । महसचिवमा धना खतिवडा तथा कोषाध्यक्षमा जानकी सिंह निर्वाचित भए । प्रमुख निवार्चन अधिकृत यदुनाथ खनालका अनुसार मतदानमा रेग्मी निकटतम प्रतिद्धन्दी मीना पाण्डेलाई २ सय २ मतको अन्तरले पराजित गर्दै विजयी भएकी हुन । उमाले ९ सय ९८ मत र मीनाले ७ सय ९३ मत प्राप्त गरेका छन् ।
५६ पदका लागि भएको निर्वाचनमा १ सय २६ जना चुनावी मैदानमा उत्रेका थिए । जस्का लागि २ हजार १ सय १४ मतदाता रहेको उक्त निर्वाचनमा १ हजार ८ यस १४ जनाले मतदान गरेका थिए । यसैगरी निर्वाचनले सभापति, महासचिव र कोषाध्यक्ष एक एक, खुल्ला केन्द्रीय सदस्य २२, प्रदेश केन्द्रीय सदस्य प्रतिप्रदेशमा तीन जनका दरले २१, जनजाति, दलित, मधेसी तीन तीन तथा मुसलमान एक केन्द्रीय सदस्यमा निर्वाचित भएका छन् ।