एक युवक बालिका बलात्कारको आरोपमा पक्राउ

पुस २९, काठमाडौं । एक युवक बालिकालाई बलात्कार गरेको आरोपमा प्रहरीले पक्राउ गरेको छ । बाराको महागढीमाई नगरपालिका-२ का ३० वर्षीय अकाश मण्डललाई प्रहरीले शनिबार पक्राउ गरेको हो ।

पीडित बालिकाका अभिभावकले दिएको किटानी जाहेरीका आधारमा मण्डललाई  शनिबार पक्राउ गरिएको बाराका प्रहरी उपरीक्षक सुरेश काफ्लेले बताए।

उनको स्वास्थ्थ परीक्षण शनिबार कलैइयास्थित प्रादेशिक अस्पतालमा गरिएको थियो । प्रहरीका अनुसार ती बालिकालाई विभिन्न प्रलोभन पारेर पटक पटक जबरजस्ती करणी गरेको उजुरीमा उल्लेख छ । मण्डललाई जिल्ला प्रहरी कायालयको हिरासतमा राखेर अनुसन्धान गरिरहेको छ ।