लोग्नेमान्छेको जात केटी देखेपछि.....

  |      00:00:00   |  
Sketch
Sketch

काठमाडौं । शान्ताको विवाह भएको पाँच वर्ष बितिसक्दा पनि छोराछोरी भएनन् बरु उनलाई एकाएक ब्लड क्यान्सर भयो । समयले आफूमाथि जति नै ठूलो घात गरे पनि विवेककी खानी शान्ता हाँसी–हाँसी जीवन बिताउन चाहन्थिन् । विशेष रूपमा व्यथाले च्यापेपछि मात्र उनको अनुहारमा उदासी छाउँथ्यो । ‘कसरी सक्छ्यौ शान्ता यस्तो व्यथा सहन ?’ आफूलाई त रुघा लाग्यो भने पनि निकै कठिन हुन्छ । मैले प्रश्न तेस्र्याएँ । विन्दु, परेपछि थाहा पाउँछ्यौ । अहिले तिमी निरोगी छ्यौ अनि यस्तो कुरा गछ्र्यौ । ‘त्यसैले होला तर म त रोगी भएर बाँच्नुभन्दा आत्महत्या गरेर मरिदिन्थें ।’ 

 

तिमीले भनेजस्तो सजिलो छैन आत्महत्या गर्न विन्दु । हेर न त्यो उर्मिलाले आत्महत्या गर्न नखोजेकी हो र ? मर्न भनेर रुखको हाँगामा झुन्डिँदा हाँगै भाँचिएर भुइँमा झरी तर मर्न सकिन । अहिले ढाड भाँचिएर घरमै कुप्रिएर बसेकी छे । आफूले चाहेजस्तो सहज जीवन हो भने त यो संसारका मानिसहरूले दु:ख पाउने नै थिएनन् । संसारका सबै दु:खीले जीवनलाई बोझ मानेर आत्महत्या गरे भैहाल्यो नि । किन भोकभोकै बाँच्न चाहन्थे र विन्दु ? 

 

म मौन रहें ! उसको प्रश्नको उत्तर दिन सकिन । त्यत्तिकैमा शान्ताको लोग्ने एउटी दुब्ली, पातली र रोगीजस्तै देखिने केटीलाई लिएर घर आए । शान्ता ऊ कुसुम हो । तिमीलाई यसो दिउँसो बोल्ने साथी हुन्छ भनेर ल्याइदिएको भन्दै प्रभात भान्सा कोठामा गए । म जुरुक्क उठें र आफ्नो घर आएँ । सोचें शान्ता रोगी छे काम गर्न सक्दिन भनेर प्रभातले भान्से केटी खोजेर ल्याएछन् । कति माया गर्छन् प्रभातले श्रीमतीलाई । त्यस्ती रोगी श्रीमतीलाई पनि स्याहारेर बसेका छन् । आफ्नो त कर्मै फुटेको । एकदिन बिरामी भएर सुतें भने पनि आफू चाहिँ टन्न होटलमा खाएर आउँछन् र अर्कोतिर मुख फर्काएर मस्त घुर्न थाल्छन् । अँ घुरून्, त्यसै गरेको ठीक छ । घरमा नोकर्नी राख्यो भने त्यही केटीसँग घर मालिक सल्किएर मालिक्नीको बिजोक भएका थुपै्र उदाहरण पनि छन् । म त जेसुकै होस्, घरमा नोकर्नी त राख्दैराख्दिन । बरु सबै काम आफै गर्छु । मैले यसो शान्ताको घरतिर चियाएँ । 

 

शान्ता बरन्डामा बसेर घाम तापिरहेकी थिई । हिजो उसको लोग्नेले ल्याइदिएकी केटी उसको कपाल कोरिरहेकी थिई । के हो शान्ता, स्याहार गर्ने मान्छे त दरै पाइएछ नि ? मैले उसलाई जिस्काएँ । ‘अँ विन्दु अलि प्रभातको पनि बोझ कम हुने भयो अब । आइमाईले पकाएको हातको खाना मीठो मान्दै खाएर अफिस गयो ऊ । हेर न विचरी यो कुसुमको भाग्य † विवाह गरेको तीन महिना बित्न नपाउँदै अज्ञात समूहले अपहरण गरेर उसको लोग्ने मारिदिएछ । विन्दु † हामी सबै केटाकेटी हुँदा मात्र खुसीले रमाउन पाउँदा रहेछौं । सती प्रथाको उन्मूलन चन्द्र शमशेरले गरेजस्तै, यो बोक्सी प्रथाको पनि उन्मूलन भए कति राम्रो हुन्थ्यो । प्रभात विवेकी भएकाले कुसुम बाँचेकी छ । नत्र यत्रो ठूलो सहरमा एउटी गाउँले युवती जो बोक्सीको आरोपमा गाउँ निकाला भएकी थिई । कहाँ बिलाउँथी कहाँ ? विन्दु यो घरमा कुसुम आएदेखि म एकदमै खुसी छु । म बिरामी भएदेखि नै आर्थिक एवं व्यावहारिक दुवै पक्षको जिम्मेवारी बहन गर्दै आएको थियो प्रभातले । अहिले घरायसी बोझ कम भएको छ उसको । 

 

अँ त्यो त ठीकै हो तर लोग्नेमान्छेको जात केटी देखेपछि.....अलि होस गर फेरि तिम्री सौता बन्ली नि......! सौता.....सौता.....सौता.......? के हो यो सौता भनेको ? आइमाईले आइमाईलाई आफूजस्तै सोचेर हेरे हुँदैन विन्दु । फूलको एउटै बोटमा सयौं फूल फुलेका हुन्छन् । के फूलहरू सबै एक–अर्काका सौता नै हुन् त ? फूलले काँडालाई पनि सौता देख्दैन तर हामी नारीहरू एक–अर्कालाई सधै सौताकै आँखाले हेर्छौं । लोग्नेले अर्की ल्याउने भए हामी उनीहरूको दास हुन्छौं । हामी नारीले कहिल्यै नारीको सम्मान गरेनौं, एकजुट भएनौं, एउटीले अर्कीलाई सताइराख्यौं । त्यसैले पितृसत्ता हावी भयो र हामी घरका चार भित्तामा बाँधियौं । तिमी लोग्नेलाई आफ्नो कब्जामा पार्न खोज्छ्यौ तर याद गर विन्दु, तिमीले लगाएको लगामले लोग्नेमान्छेहरूलाई एकै ठाउँमा बाँधिराख्न सक्दैन । .....शान्ता जतिसुकै आदर्श फलाके पनि तिम्रो लोग्ने अहिले कुनै परमहलिासँग टाँसिएर हिँडेकाले हेर्न सक्छ्यौ ? म जङ्गिएँ ।

 

सक्छु विन्दु मैले कहिल्यै महलिाहरूलाई परमहलिाका रूपमा हेरेकी छैन । म आफू अशक्त भएदेखि नै प्रभातले अर्को विवाह गरोस् भन्ने चाहनामा छु तर उसले मेरो खुसीका निम्ति आफ्नो चाहनालाई मारेको छ । म जवान पुरुषको भावना बुझ्छु विन्दु । म ढिलो–चाँडो मरिहाल्छु तिमी एक्लो जीवन कसरी बिताउँछौ भनेर बारम्बार अनुनय गर्दा पनि मेरो कुरा सुनिरहेको छैन उसले । ‘के त्यसो भए प्रभात रोगी भैदिएको भए तिमी उसलाई छाडेर पोइल जान्थ्यौ ? 

 

परिस्थितिअनुसार जिन्दगी धान्थें होला । विन्दु, सानो छँदा मैले स्वास्नी अगाडि मर्ने लोग्ने मानिसको महाबिजोग देखेकी थिएँ गाउँमा । त्यही बिजोग मेरो लोग्नेको नहोस् भनेर प्रार्थना गरिरहन्थें म । जे नहोस् भने त्यही भयो तर जवानहरूलाई अर्को विवाह गर्न अप्ठ्यारो हुँदैन भनेर मन बुझाएकी छु । एउटा कुरा याद राख विन्दु छोरी–बुहारीहरूलाई बुवा वा ससुराको सेवा गर्न आमा वा सासूको जस्तो सजिलो हुँदैन । 

 

अँ त्यो त हो । त्यति भनेर म शान्ताको घरबाट बाहिरिएँ । मेरो घरको झ्यालबाट उसको भान्सा कोठा स्पष्ट देखिन्थ्यो । शान्ता आफ्नै कोठामा सुतिरहेकी थिई । कुसुम र प्रभात दुवै भान्सामा गफ गर्दै भात पकाउँदै थिए । मेरो कन्सिरी तातेर आयो । त्यो बिरामी शान्ता भन्न त जे पनि भन्छे तर सौता भनेको त मुटुकै किला हो । यस्तो पाराले त भएन गएर शान्तालाई सचेत गराउनुपर्‍यो । मैले मनमनै सोचें । 

 

....एकदिन कुसुम र प्रभात दुवै घरमा नभएको मौका छोपें र मैले शान्तालाई कुरा लगाएँ–हेर शान्ता त्यो कुसुम आएदेखि तिमीलाई प्रभातले त्यति राम्रो हेरचाह पनि गरेको छैन । फेरि जहाँ जाँदा पनि दुई जना सँगै लठारिएर हिँड्नुपरेको किन ? प्रभातसँगै बस्न पाउने अधिकार त तिम्रो पो हो त । तिम्रो अधिकार खोस्दै छे त्यसले । स्वास्नीको आँखा छलेर बाहिर–बाहिर केटीसँग हिँड्ने लोग्नेमान्छे त थुप्रै देखेकी थिएँ समाजमा तर तिमीले कसरी टुलुटुलु हेर्न सकेकी आफ्नै अगाडि आफ्नै लोग्ने परमहलिासँग टाँसिएर बसेको । म भए त जगटा–सगटा छरिदिन्थें त्यो नकचरीको, बुझ्यौ ।’

 

‘.....हो विन्दु तिमिसँग शक्ति छ, तिमी राम्री छ्यौ । कुनै बेला म पनि तिमीजस्तै राम्री एवं शक्तिशाली थिएँ । मलाई पूर्ण विश्वास छ त्यो क्षण मैले प्रभातलाई पूर्णरूपमा शारीरिक सन्तुष्टि दिएकी थिएँ । त्यति हुँदाहुँदै पनि प्रभातले लतासँग प्रेम गर्‍यो । त्यो क्षण त्यो समय मैले पनि चाहेकी भए लताको जगल्टा छर्न सक्थें तर म सुरुदेखि नै ‘प्रेमले मान्छेको जस्तो ह्दयलाई पनि पगाल्न सक्छ र विद्रोहले मान्छेको मन जित्न सकिन्न भन्ने कुरामा विश्वास गर्थें । मैले लतालाई प्रेमले पगालें । मेरो व्यवहार देखेपछि लता प्रभातबाट आफै टाढिई । के गर्ने विन्दु अहिले भए त म लतालाई प्रभातबाट अलग्याउने थिइन तर त्यतिबेला प्रभातका लागि म नै काफी थिएँ र मैले उसलाई लताको आवश्यकता महसुस गर्न दिइन । अहिले त उसको विवाह पनि भैसक्यो, छोराछोरी भैसके ।

 

मैले लतालाई आफूबाट अलग्याउन प्रेम गरें तर तिमीले कमलालाई आफूबाट अलग्याउन जगल्टा छर्‍यौ । आखिर के जित्यौ तिमीले ? आफ्नै रिस र घमण्डका कारणले जवानीमै पतिबाट त्यागिएर बस्नुपरेको छ । लोग्ने मानिसहरूलाई अर्को विवाह गर्न सजिलो हुन्छ तर हामी महिलाहरूलाई अर्को विवाह गर्न त्यति सजिलो छैन विन्दु । पुरुषहरू जे गरे पनि चोखै हुन्छन् तर हामी महिलाहरू जुठो लोटाउनका निम्ति प्रयोग हुने गोबर हौं । जब त्यो चोखो गोबरले जुठो टिप्छ, अनि बेवारिसे जुठ्यानमा मिल्काइन्छ । जिन्दगी लामो छ विन्दु । जेजस्तो भए पनि परापूर्वककालदेखि नै हामी नारी र पुरुषहरू एक–अर्काका परिपूरक हुँदै आयौं । नारी र पुरुषबिना संसारको सृष्टि नै सम्भव छैन । ‘शान्ता बहकिरहेकी थिई, म केही नबोली जुरुक्क उठें र घर गएँ । जताततै अँध्यारो देखें । केशवलाई निकै बेर सम्झें । मेरो रुखो व्यवहारलाई मायाले जित्न खोजेको थियो उसले तर त्यतिबेला मेरो मन संवेदनहीन भएको थियो ।

 

म ऊ कुनै केटीसँग नबोलोस् भन्ने चाहन्थें । केटीसँग बोल्यो कि शंका गरिहाल्थें । ऊसँग बाझ्थें, भाँडभैलो गर्थें, उसलाई घरमा बस्न अप्ठ्यारो बनाइदिन्थें । तैपनि मेरो सबै व्यवहार चुपचाप सहेको थियो उसले । जुन दिन मैले कमलालाई जगल्ट्याएँ त्यही दिन उसको मन भाँचियो । ऊ कमलालाई लिएर अन्तै बस्न थाल्यो । मैले मुद्दा हालें, सम्पत्ति आफ्नो बनाएँ । कमाएको आधा पैसा उसले मलाई पठाइदिन्छ । म उसैको कमाइ खाएर निर्धक्क बसेकी छु । केशवले मलाई मज्जाले सुमसुम्याउँथ्यो तर सम्पत्तिले त्यसो गर्दो रहेनछ । ऊ कमलालाई असाध्यै प्रेम गर्छ र कमलाले पनि उसलाई त्यत्तिकै प्रेम गर्छे । शान्ता तिमीले भनेको कुरा सत्य रहेछ । ‘प्रेमले मान्छेको ह्दय पगाल्दो रहेछ ।

 

विद्रोह र घृणाले मान्छेको मन नजितिँदो रहेछ ।’ म एकाएक शान्ताको काखमा गएर घोप्टिएर रुँदै पोखिएँ–शान्ता किन म तिमीजस्तो उदार हुन सकिन ? मैले सधै केशवको अगाडि घमण्ड गरें । तिमीजस्ता थोत्रा बूढा त कति हो कति पाउँछु भनें तर अहिले कसैले पनि मेरो मुखमा हेर्दैनन् । छुच्ची र घमण्डी आइमाई भनेर टाढैबाट मुन्टो फर्काएर हिँड्छन् । घमण्डकै कारण मैले केशवको मन जित्न सकिन तर कमलाले उसलाई ह्दयको बगैंचामा सजाएकी छे । एकैछिन छुट्टिँदैनन् । जब रात पर्छ सबैका घरका कोठा–कोठामा झ्यालपर्दाहरू तानिन्छन् अनि म हररात असह्य व्यथामा छटपटाउँछु ।’ एक्लो जीवन काट्न निकै कठिन हुँदोरहेछ । ‘मायाका साथै कुनै बेला शरीरको पनि आवश्यकता पर्दोरहेछ मान्छेलाई । ‘कुरा बल्ल बुझिछ्यौ । विन्दु, शरीरको आवश्यकतालाई महसुस गरेर मैले प्रभातको विवाह गराउन खोजेकी हुँ ।’ 

 

मेरो र शान्ताबीचमा कुरा चल्दाचल्दै प्रभात अफिसबाट आएर शान्ताको छेउमा बसे । कुसुमले चिया–नास्ता ल्याइदिई । चियाको गिलास समाउँदै प्रभातले भने–‘ठ्याक्कै तिम्रै जस्तो स्वभाव छ कुसुमको पनि शान्ता ।’ कहिल्यै कुसुमप्रति त्यति चासो नदेखाउने प्रभातले कुसुमको वर्णन गर्दा शान्ता खुसी हुँदै भन्न थाली–मानिसले जित्नुपर्ने सबैभन्दा ठूलो कुरा मन हो विन्दु ।’ आज म एकदमै खुसी छु कुसुमले प्रभातको मन जितेकी छे र मेरा चाहना पूरा गरेकी छे । अब म ढुक्कले मर्ने भएँ । विन्दु तिमीले पनि अब रिस र घमण्डलाई त्यागेर आफूभित्र ममताका नदीहरू बगाउनेछ्यौ भन्ने कुरामा म विश्वस्त छु । त्यति भन्दै उसले प्रभातको हात समातेर कुसुमको हातमा राखिदिई । 

 

प्रभात एकाएक रोयो र बहकियो–‘तिम्रो जस्तै स्वभाव भएकी कुसुमलाई पनि भगवान्ले छिट्टै आफ्नो काखमा लान तिमीलाई जस्तै ब्लडक्यान्सर पठाइदिए भने म के गरूँ ? शान्ता मलाई यही हालतमा बाँच्न देऊ । त्यसो नभन प्रभात † जिन्दगी लामो छ । यो लामो यात्रा एक्लै कसरी गर्छौ तिमी ? म त एकदमै खुसी छु । अब मेरो प्रभातले मेरो अभावमा एक्लिनुपर्ने छैन । बिरक्तिनुपर्ने छैन । ......एकाएक उसलाई रोगले च्याप्यो र मौन भई, बेहोस भई । कुसुम र प्रभात रुँदै उसलाई बोलिदिन आग्रह गरिरहेका थिए । म मन थाम्न नसकी घरमा आएँ र डङरङ्ग भुइँमा पछारिएँ । 

 


Share this with your friends:


Advertisement
Advertisement
थप खबर...

प्रत्येक महिला पुरुषभन्दा कमजोर छैनन् : कमला भासिन

1505200545Kamala-bhasinsiTZu8Z9Mj.jpg नरेश ज्ञवाली ► भदौ २७, काठमाडौं।  दक्षिण एसियामा लैङ्गिक समानता, शिक्षा, गरिबी निवारण, मानवअधिकार र शान्तिका...

पुरुष कलमले पूर्ण नारीलाई लेख्न सक्दैन

1488688911annapurna-post.jpg काठमाडौं। मान्छेहरू कडा भएर बोलेको भन्दा नरम भएर बोलेको मनपर्छ । खरा कुराभन्दा नरम, सरस र सलिल कुराहरू मनपर्छ । तर...

कालो तिलले कम्मर दुखेको र अनुहारमा भएको पोतोको उपचार गर्छ

1479567052black-sesame-seed.jpg काठमाडौं । कालो तिल अथवा तिलबाट प्राप्त हुने बिऊ तेल उत्पादनको लागि प्रयोग गरिन्छ । अनुहारमा चायाँ, पोतो वा दाग,...

उमेर अनुसारको हुनुपर्छ खान्की, अनि मात्र मानिस स्वस्थ रहन्छ

1479121715High-protein-foods-555x335.jpg काठमाडौं। पोषणको आवश्यकता उमेरअनुसार परिवर्तन हुन्छ । उमेरको हरेक अवस्थामा स्वयंलाई स्वस्थ राख्न शरीरलाई...

यी भोजन खाए छाला सुन्दर हुन्छ !

1490268754IMG4830.JPG काठमाडौं। स्ट्रबेरी : यो भिटामिन सीले भरपुर हुन्छ । भिटामन सीले छालालाई चाउरीबाट जोगाएर सधैं जवान राख्न मद्दत...

लोग्नेमान्छेको जात केटी देखेपछि.....

1486611119images.jpg काठमाडौं । शान्ताको विवाह भएको पाँच वर्ष बितिसक्दा पनि छोराछोरी भएनन् बरु उनलाई एकाएक ब्लड क्यान्सर भयो । समयले...

महिलाको दोस्रो विवाहको कुरा सुन्दा पढेलेखेकैले अनुहार बिगार्छन्

1482639321yakal--mahila.jpg काठमाडौं। दोस्रो विवाहबारे मैले नसोचेको, नचाहेको होइन । तर, म मेरा आत्मीयसँग फेरि विवाह गर्नेबारे कुरा गर्छु,...

साढे तीन वर्षको छोराका लागि बाँच्नुपर्नेछ: बिरामीको सेवा गर्दागर्दै पेटको क्यान्सर भएकी नर्सको ब्यथा

1486990870sakun.jpeg   नामः सकुन श्रेष्ठ पेशाः नर्स  उमेरः ३३ वर्ष  रोगः पेटको क्यान्सर (चौथो चरण) लेख्न थाल्दै कति नमिल्दा...

पारसको सङ्गतबाट नातिनीलाई जोगाउन ज्ञानेन्द्र थाईल्यान्डमा

1502250962purnikashah5EgjlgZBJx.jpg काठमाडौं। पोथी सिंहले आफ्नो बच्चा भाले सिंहबाट जोगाउन लुकाउने गरेको त सुनिएको हो, तर मानिसले बाबुबाट सन्तानको...

स्तन क्यान्सर लागेको यसरी समयमै थाहा पाउन सकिन्छ !

1501948768download-2.jpg डा. राजेन्द्र बराल क्यान्सर रोग विशेषज्ञ ► महिलामा स्तन क्यान्सर हुने गरेको विभिन्न अनुसन्धानले देखाएको छ ।...

Advertisement
Advertisement
Advertisement
Advertisement
Advertisement
Advertisement