हामीलाई सपनामा किन ऐँठन हुन्छ ?

फागुन १३, काठमाडौं, (एजेन्सी) । किन हामी दु:स्वप्न देख्छौँ र त्यसबेला किन ऐँठन हुन्छ ?
हामीमध्ये धेरैलाई नराम्रो सपना देखेको र ब्युँझिदा अप्ठेरो भएको अनुभव भएको छ। त्यस्तो अनुभवलाई मनोवैज्ञानिकहरू कसरी हेर्छन्। 

दाँत किट्दै, मुटु ढुकढुक हुँदै गरेको अवस्थामा कहिल्यै व्युझिनु भएको छ । सपनामा ऐंठन भएर छट्पटिने तपाई एक जना माात्र हैन । ९० प्रतिशत मानिसलाई कुनै न कुनै बेला यस्तो हुन्छ । तर किन दु:स्वप्नहरु डरलाग्दा हुन्छन् र तिनको अर्थ के हो ?

केहि वैज्ञानिकहरु नराम्रो सपनाले हामीलाई राम्रो हुने धारणा राख्छन् । सपनाहरुले गहिरा अनुभवहरु प्रशोधन गर्न मस्तिष्कलाई सघाउने मान्यता पनि छ । हामी भाववेगमा हुँदा मस्तिष्कले अनुभूतिसुहाउँदो परिस्थिति बनाइदिन्छ । 

कामको चटारो छ भने तपाईँ सुनामीमा फसेको सपना देख्न सक्नुहुन्छ । दु:स्वपनाले वास्तविक जीवनमा हुने अप्रिय घटनाहरु खेप्न सघाउन सक्ने विज्ञहरु बताउँछन् ।  दिउँसो घटनाहरु हुँदा हामी भावनात्मक प्रतिक्रियाहरु दिन्छौ, तर ति सधै प्रभावकारी हुँदैनन् । 

कहिलेकाहीँ हामी कुनै कुरासँग त्यत्तिकै डराएका हुन सक्छौँं ।  त्यस्ता अर्थहिन कुरालाई डर लाग्ने र डर नलाग्ने कुरासँग मिसाएर सपनाले तिनको प्रभाव घटाउन सघाउँछ । त्यसैले नराम्रा सपना देखिए पनि तिनले हामीलाई राम्रो गरिरहेका हुन सक्छन् ।  
- बीबीसीमा प्रकाशित भिडियोको सहयोगमा तयार सामग्री