असार १४, काठमाडौं । संगीतकार रञ्जित गजमेर भन्नासाथ चलचित्रका थुप्रै समुधुर गीतका संगीतहरू सम्झन्छौं । उनले संगीत दिएका चलचित्रका गीतहरू धेरै हिट छन् । अधिकांश गीतमा आफ्नो संगीत भर्न सफल गजमेरकोे नेपाली एल्बम भर्खरै म्युजिक नेपालमार्फत जारमा आएको छ । कृति नामक सो एल्बममा रञ्जित गजमेर, कुसुम गजमेर तथा नौ लाख ताराका रचयिता स्वर्गिय अगमसिंह गिरीको समेत रचना छ । कृति एल्बमका गीतहरूमा कन्दरा ब्यान्डका गायक विवेक श्रेष्ठ र नवोदित गायिका स्वरुपा आशाको स्वर छ । स्वरुपा आशाको यो डेब्यु एल्बम हो । कृति एल्वम आफुलाई मनपरेका चलचित्रमा राख्न नमिलेको र अरुभन्दा पृथक संगीतको संगालो हो । मुम्बईमा रेकर्ड गरिएको एल्बम कृतिको ‘नहुने भैगो दुई दिने जिन्दगी बाँच्नलाई गीत एल्बमसँगै रिलिज गरिएको छ । जसमा गायिका स्वरुपा आशाको स्वर छ । भारतिय गीतकार लक्ष्मीकान्त प्यारेलाल, उदित नारायण, जोली मुखर्जी सभ्य कुमारजस्ता संगीतज्ञसँग टेज शो गरिसकेकी स्वरुपा अस्ट्रेलियामा नर्सिङ पेसामा आवद्व । कृति एल्बमको प्रोडक्सन पनि स्वरुप आफैले गरेकी छन् ।
भिडियो :