असोज १४, काठमाडौं । बिगत अठार वर्षदेखि राजधानीमा अनवरत रुपमा संचालित लक्ष्मी हेयर एण्ड व्युटी स्टुडियोले आजसम्म धेरै महिलाहरुलाई रोजगार दिएको छ । सानै उमेरदेखि यस क्षेत्रमा हात हालेका लक्ष्मी ठाकुरलाई राजधानीमा नचिन्ने सायद कमै होलान । उनी यो क्षेत्रका अव्वल व्यक्ति मानिन्छन् ।
लक्ष्मी हेयर एण्ड व्युटी स्टुडियोमा हाल ४० जना महिला कार्यरत छन् भने पुरुष ८ जना मात्र छन् । यहाँ काम गर्ने सबै युवतीहरु काममा लगाव राख्ने र सिकाय बमोजिम काम गर्न सक्ने भएकाले धेरै महिलाहरुलाई आफ्नो व्यवसायमा राजगार दिएको संचालक लक्ष्मी ठाकुर बताउँछन् ।
सौन्दर्य व्यवसायमा अधिकांश महिलाहरु नै सहभागी छन् भन्ने कुराको लक्ष्मी हेयर एण्ड व्युटी स्टुडियोमा कार्यरत युवतीहरुको संख्याले पुष्टी गर्छ । राजधानीकै तिनक्षेत्रमा संचालित लक्ष्मी ठाकुरको व्यवसायले कोटेश्वरको भाटभटेनी, महाराजगञ्ज भाटभटेनी, पुलचोक भाटभटेनी निकै सबैको विश्वास जितेको छ । तिन वटै स्टुडियोमा काम गर्ने सबै युवतीहरु नै छन् ।
सबै युवती प्लस टु पूरा गरेका र डिप्लोमासम्मको अध्ययन पूरा गरी यहाँ काम गर्न अवसर पाएको निकै खुशी भएको २२ वर्षिया शोभा सुनुवार बताउँछिन् । शोभाले काम गरेको एक वर्ष पूराभयो । उनी भन्छिन् लक्ष्मी सरले गर्ने व्यवहार एकदमै राम्रो छ । काम सिकाउनेदेखि लिएर जानेको कुरालाई ग्रहाकको माग बमोजिम सेवा प्रदान गर्ने तौर तरिकाका बारेमा हामीलाई सम्झाइरहनुहुन्छ । शोभा कोटेश्वरको भाटभटेनी शाखामा कार्यरत छिन् ।
यस्तै अर्की कृष्ण प्यारी लाखेमरुले काम गरेको ६ वर्ष भयो । उनी निकै सन्तुष्ट छिन् । काम गर्न कुरामा कुनै किसिमको बाँधा अवरोध नहुने भएकाले म यहाँ लामो समयदेखि कार्यरत छु । यहाँको पारिवारिक वातावरण लक्ष्मी सरले गर्न प्रेरणात्मक व्यवहारले नै आफू लामो समय टिकेको कृष्णा बताउँछिन् ।
पछिल्लो समय गाउँदेखि शहरसम्म सौन्दर्य व्यवसाय निकै फस्टाएको छ । जहाँ महिलाहरुको सहभागिता उल्लेख्य छ । पुरुषको तुलनामा महिलाहरु नै यो क्षेत्रमा आकर्षित छन् ।