साउन ७, काठमाडौं । सेयर बजारमा महिलाहरुको आकर्षण निकै बढेको छ । घरकै काममा मात्र व्यस्त हुने महिलाहरु अचेल सेयर बजार सूचक (नेप्से इन्डेक्स) को उत्तारचढाब हेरेर बस्छन् ।
तथ्यांकका अनुसार ५ वर्षअघि सेयर बजारमा करिब १ हजार महिलाहरु मात्रै सक्रिय थिए । जुनबेला कूल लगानीकर्ताको संख्या ७ लाख थियो । अहिले १२ लाख सेयर लगानीकर्ता छन्, जसमध्ये ४ लाख ७० हजार महिला लगानीकर्ता छन् ।
पछिल्लो समय महिलाहरु शेयरबाट कसरी आम्दानी गर्न सकिन्छ ? कतिबेला सेयर किन्ने र कतिबेला बेच्ने ? भन्ने बारेमा समेत तालिम लिन थालेका छन् । त्यस्तै अहिले बजारमा शेयर कारोबार सम्बन्धी तालिम दिने विभिन्न तालिम केन्द्रहरु पनि खुलेका छन् ।
उक्त तालिम केन्द्रले शेयर किन्ने बेच्ने तरिका, सेयर धितो राखेर बैंकबाट कर्जा लिने तरिका लगायतका विषयमा तालिम समेत दिन्छन् । यसकारण, सेयर बजारमा दैनिक जसो महिलाहरुको सहभागिता बढ्दै गएको सेयर लगानी कर्ता महादेवी मैनालीले जानकारी दिइन् । उनी भन्छिन्, - 'घरको काम पनि भ्याएर यसरी बाहिर निस्कन खासै सजिलो छैन । तर पनि आत्माविश्वास जुटाएर अगाडी बढ्न सक्दा आर्थिक रुपमा सशक्त हुन सकिने रहेछ ।'