साउनमा कसरी सजाउने मेहंदीले हात ?

 साउन ८, काठमाडौं । हरियाली साउनको महिना यो महिनाभरी हिन्दु महिलाहरुले हातभरी मेहन्दी, हरियो चुरा, पोते तथा सारी लगाई सजिने प्रचलन बढ्दो छ । पछिल्लो समय यस्तो पहिरन फेसन नै बनिसकेको छ ।यसले गर्दा विवाहित महिलाले आफ्नो श्रीमानको आयु लामो हुन्छ भन्ने विश्वाससमेत गर्छन् । तर, मेहदीलाई अझै आकर्षक देखाउन हामी निम्न उपायहरु अपनाउन सक्छौं ।

कसरी बनाउने मेहन्दीलाई गाढा :
 मेहन्दी लगाउनु भन्दा पहिला मेहंदी लगाउने भागमा तेलले मालिस गर्ने । यो तेल हामी बजारमै पाउन सक्छौं । अनि तेलले मालिस गरेको भागमा मेहंदी लगाउने ।

 लगाइएको मेहदी सुक्न थाल्दा चिनी र कागतीको रसको मिश्रणलाई कपडाको सहायताले बिस्तारै मेहन्दी माथि लगाउने
 ।
 मेहन्दी सुकेपछि बिस्तारै त्यसलाई उप्काएर फाल्नुपर्छ । त्यसपछि हातमा तोरीको तेल लगाएर हल्का मसाज गर्दा गाढा गरी बस्न सहयोग पुग्छ । यसले छोटो समयमा रङ उडेर जाने सम्भावना पनि कम हुन्छ ।

 औँलामा मेहंदी लगाउँदा  थोरै तर ब्यालेन्स मिलाएर लगाउनुपर्छ । मेहंदीसँगै सुहाउने रङको नेलपोलिस लगाउँदा अझ राम्रो देखिन्छ । अभै आकर्षक देखाउन हरियो नेलपोलिसमा पहेँलो बुट्टा भर्न सकिन्छ ।

विशेष गरी मेहदी छनोटमा पनि ध्यान पुर्याउनु आवश्यक हुन्छ ।  म्याद गुज्रेका मेहदी पनि बजारमा बिक्री बितरण गरिरहेको पाइन्छ । यसबाटहामीले जोगिनुपर्छ । केमिकलयुक्त मेहंदी पनि बजारमा पाइन्छन्  । यस्तो मेहदीको छनोट गर्नुहुँदैन । जसले विभिन्न हानि पुर्याउन सक्छ ।

 हातमा मेहदी लगाई सके पछि त्यसलाई पूरै सुक्न दिनुपर्छ । त्यसपछि मात्र बिस्तारै झार्नुपर्छ । त्यसपछि तेल लगाउन सकिन्छ । तेल लगाउँदा मेहदी गाढा बस्छ । मेहंदी लगाएको दिन सकभर पानीमा खेल्नुहुँदैन । 

अहिले कतिपय मेहंदी बजारमा पाइन्छन । मेहंदीमा  राजस्थानी, इन्डियन, अरेबियन, ब्राइडल आदि डिजाइन बढी प्रचलनमा छन् । राजस्थानी र इन्डियन डिजाइन पनि धेरैलाई मन पर्छ । मेहंदीमा विभिन्न डिजाइन जस्तै : थुँगा फूल, केरी र लहराजस्ता  धेरैको हातमा देखिन्छ । यसमा हामीले आफुलाई मन पर्ने डिजाइन रोज्न सक्छौं 

कसरी लगाउने मेहंदी ? 
खासगरी यो महिनामा महिलाले मेहंदी लगाउन रुचाउने भए पनि त्यसको शृंगारमा भने खासै ध्यान  पुर्याएको देखिन्न । मेहंदी लगाउँदा कहिल्यै पनि पुरै हात छोप्ने गरी लगाउनु हुँदैन । यसरी लगाउँदा नराम्रो  देखिन्छ । हातको एक साइडमा मात्र मेहदी लगाउँदा राम्रो हुन्छ । यसरी लगाउँदा हात सफा र सुन्दर देखिन्छ ।

कतिखेर नलगाउने ?
 खासगरी मेहंदीको त्यति धेरै साइड इफेक्ट त हुँदैन । तर पनि कसैलाई छाला सम्बन्धी एलर्जी भने हुन  सक्छ । यस्ता मानिसले मेहंदीको प्रयोग नगर्दा राम्रो हुन्छ ।

 हातमा कुनै घाउ–चोट छ भने पनि ध्यान पुर्याउनु पर्छ । यस्तो अवस्थामा मेहदी नलगाउँदा ठिक हुन्छ । किनकि, यस्तोमा मेहंदी लगाउँदा संक्रमण हुने  सम्भावना बढि हुन्छ ।