समयसँगै बद्लिदै छ फेसन : डिजाइनर राधा

भदौ १४, काठमाडौं । विसं २०६८ सालदेखि राजधानीको न्युरोड विशाल बजारस्थित इगल आईज फेसन हाउस गुणस्तरिय, फेसनेवल तथा लोकप्रिय पहिरन पाइने उत्कृष्टमध्ये एक हो । जहाँ नेपाली फेसन पारखीहरु आँखा चिम्लिएर डिजाइनर राधिकाका पहिरनलाई मन पराउँछन् । जसरी विश्वमा फेसनका पहिरनले ठूलो हिस्सा ओगटेको छ, नेपालमा पनि फेसनको दायरा निकै फराकिलो छ र अझै आधुनिक मानिसहरुले यस्लाई फराकिलो बनाउँदै गइरहेका छन् । फेसनका पहिरनमा सचेत बन्दै गइरहेको नयाँ पुस्ता पहिरनलाई प्राथमिकता दिन्छ । यसैगरी इगल आइज फेसन हाउस जस्ता ठाउँहरुले परम्परागत तथा आधुनिक फेसनेवल डिजाइनलाई तयार गरिदिएकाले नेपाली फेसन माथी उठ्दै गएको हो भन्दा फरक पर्दैन् । नजिकिँदै गरेको नेपाली हिन्दु नारीहरुको महान चाड तिजलाई लक्षित गरि ग्रिष्मा केसीले डिजाइनर राधिका ढकाल (सापकोटा)सँग नेप्लिज वुमनका लागि गरेको कुराकानी 

कुन डिजाइनका पहिरनहरुमा फेशन पारखी आकर्षित छन् ? 
फेशन पारखीहरुको उमेर अनुसार फरक फरक आफुलाई मनपर्ने वा आफ्नो टाइपको फेशनेवल डिजाइनहरुमा आकर्षण बढि छन् ।

तिजमा विशेष कस्ताखालको पहिरनको माग हुन्छ ?
आजभोली धेरैजसो बनारसी, सिल्क सारीहरुको मागनै बढि भईरहेको छ । त्यसमा पनि अफिसियल अर्थात कामकाजी महिलाहरु हल्का सिफनका सारीहरु मनपराउँछन भने गाउन, बेल्ट, पाईन्टमा सारी, सल फिक्स गर्ने पहिरनको माग ह्वात्त बढेको छ । 
 

महिलाहरु चाडबाडमा कुन रंगमा सजिँदा आकर्षक देखिन्छन् ? 
बिशेषगरी चाडबाडमा महिलाहरु आफुलाई सजिलो हुने सिम्पल, हल्का बोडर भएको सिल्क तथा सिफनका सारीहरु आफ्नो स्किनटोनसँग म्याच गर्ने जुनसुकै कलरहरुमा पनि आकर्षक देखिन्छन् ।

महिलाहरुमा पहिरनले के महत्व राख्दछ ? 
पहिरन भनेको एउटा ऐना हो । यसले व्यक्तिको आवरण झल्काउँछ पहिरनले कुनै पनि व्यक्तिको व्यक्तित्व झलकाउने काम गर्छ । शारीर ढाक्ने काम पहिरनले नै गर्ने भएकाले यस्को महत्व आफैमा गहन र अत्यावश्यक पनि छ । 

कुन उमेरकाले कस्तो पहिरन लगाउने ?
खासगरी पहिरनमा हामी उमेर भन्दा पनि महिलाको फिगर, स्किनटोनको बारेमा ध्यान दिन्छौं । त्यसैअनुसार टिनएजरकालागि वन पिस, टु पिस, लेहंगा, पछाडी चेनवाला अगाडी थोरै कट भएको सुहाउँछ भने युवती सम्पल साडी , लेहंगा फिगर तथा स्किनटोन म्याचगर्ने खालका पहिरनहरुमा बढि आकर्षक देखिन्छन् ।

सारीचोलीमा भन्दा नि आजकलका महिलाहरु अन्य पहिरनमा सजिन चाहान्छन् किनहोला ? 
सारीचोलीमा महिलाहरु आकर्षक देखिने भएपनि लगाउँदा, हिड्दा बस्दा यसले अलिकति अपठेरोनै हुन्छ । त्यसकारण पनि अहिले महिलाहरुले छिटो र सजिलो हुने हल्का खालका पहिरनहरु रुचाएका हुन भन्ने लाग्छ ।