► ग्रिष्मा के.सी. (गौरी)
भदौ ५, काठमाडौं । विगत लामो समयदेखि राजधानीका विभिन्न तीन स्थानमा लक्ष्मी हेयर एण्ड व्युटी स्टुडियो संचालन गर्दै आइरहेका लक्ष्मी ठाकुर सौन्दर्य कलाका लोकप्रिय व्यवसायी हुन् । सौन्दर्य कलाको ज्ञान भएका ठाकुरको नेपाली आधुनीक शैलीको हेयर स्टाइल र मेकअपलाई आजको अवस्थामा ल्याइपुर्याउनुमा उनको पनि निकै ठूलो हात छ । कोटेश्वरको भाटभटेनी, लाजिम्पाट र पुलचोकमा संचालित तीन स्टुडियो मार्फत विभिन्न देशी तथा विदेशी हेयर स्टाइल तथा मेकअप शैली प्रदान गर्ने खुबि भएका लक्ष्मी ठाकुर सौन्दर्य कलामा दरिएका व्यक्ति हुन भन्दा फरक पर्देन् । समयको माग अनुसार ग्रहाकलाई सुविधा सम्पन्न स्टुडियोमा सेवा प्रदान गर्ने पहिलो लक्ष्य लिएका लक्ष्मी ठाकुरले नेपालका सेलिव्रेटीदेखि सामान्य सौन्दर्य पारखीहरुको व्युटी टेक्नो कलामार्फत विश्वास जितिसकेका छन् । हरेक सिजनका हेयर स्टाइल तथा मेकअप आइडियामा दख्खल राख्ने ठाकुरसँग ग्रिष्माले नेप्लिज वुमनका लागि गरेको कुराकानी ।
अहिले कस्तो मेअकप शैलीको माग बढी छ ?
अहिले वर्षा मौसम भएकाले गर्दा पानीले छिटो नबगाउने खालको मेकअपको माग बढी हुन्छ । तीज पनि नजिकिँदै छ, यसकारण, वाटर प्रुफ तथा कलरफुल नै चल्छ । महिला पुरुष दुवैले वषेशगरी वाटरप्रुभ मेकअप बढि रुचाउँछन् । जस्मा लाईट किसिमको मेकअपतर्फ महिलाहरु अधिक आकर्षित छन् ।
तपाईको विचारमा यो मौसममा कस्तो स्टाइलको मेकअप र हेयर उपयुक्त हुन्छ ?
बर्षमा सबैले सजिलोसँग गरिने र सामान्य मेकअप शैली मन पराउँछन् । त्यसकारण यो समयमा समान्य तवरले गरिने मेकअप नै उपयुक्त हुन्छ ।
आजभोली महिलाका लागि कस्ता हेयर स्टाईल ट्रेन्डमा छन् ?
विशेष मौसमी हेयर स्ठाइलमा केन्द्रित भएर गरिने हेयर स्टाइल ट्रेन्डमा हुन्छन् । यो मौसममा वर्षा सँगै गर्मी पनि बढ्ने भएकाले कामकाजी महिलादेखी गृहणी लगायत अधिकांश महिलाको रोजाइमा पर्ने हेयर स्टाइल यी नै हुन् ।
विषेशगरी ४० प्लस महिलाका कुन हेयर स्टाइल आकर्षक हुन्छ ?
४० प्लस महिलाका लागि सट अर्थात छोटो हेयरकट गर्नु राम्रो हो । यो स्टाइल अर्थात (वेवी कट) ले उनीहरुलाई उनीहरुको आफ्नो उमेरभन्दा कम उमेरकोे देखाउन मद्धत गर्छ । अहिलेको आधुनिक मानवहरु सौखिन र स्टालिस्ट हुँदै गइरहेको भएर पनि होला आकर्षक र आफूलाई सधै भर्खरको देखाइराख्ने स्टाइलमा बढी केन्द्रित हुने भएकाले माग पनि यी नै स्टालको बढी हुन्छ ।
वर्षाको बेला कलरफुल मेकअप ट्रेन्ड कतिको उपयुक्त हुन्छ ?
भर्खरै बितेको साउनमा महिलाहरु प्रायः ब्रत बसे त्यो बेला उनीहरु लुगासँग म्याच हुने सिम्पल मेकअपमा नै बसे । सामान्य मेकअप शैली नै लोकप्रिय छ र उपयोगी पनि । दुँनियाभरका महिलाहरु खास भन्ने हो भने सामान्य तथा कुल रंगको मेकअपशैलीलाई प्राथमिकता दिन्छन् र यो स्टाइल नै उपयुक्त हुन्छ । झ्वाट्ट हेर्दा भड्किलो पनि नदेखिने र आफूलाई क्यारी गर्न पनि सहज हुने यो स्टाइलमा सामान्य हिसाबले हरीयो, रातो, पहेंलो पिंक र सेतो रंगमा खेलर मेकअप गर्नु उपयुक्त हुन्छ । यो मेकअपमा मोस्चराइजर, सन प्रोटेक्सन क्रिम तथा सिम्पल र गुणस्तिरीय कस्मेटिक प्रयोग गर्नु स्वास्थ्यका हिसाबले फलदायी हुन्छ ।
लुक अनुसारको हेयर स्टाइल र मेकअपमाले मानिसको सौन्दर्यमा कतिको प्रभाव पार्छ?
लुक अनुसार गरिएको हेयर स्टाइले व्यक्तिको पर्सनालीटि झल्काउँछ । यदि लुकसँग म्याचहुने हेयर स्टाईल र मेकअप भएन भने मानिसको सौन्दर्यमा केहि कुरा नपुगेको हो कि भन्ने महसुस हुन्छ । कि त कताकता स्टाईलको आधुनिक शैलीको ज्ञान नभएको हो कि भन्ने झल्को दिन्छ । यतिसम्मकी यदि हामीले सामान्य मेकअप तथा हेयर टे«न्डको बारेमा सचेत नहुने हो भने सानो समुहमा बस्न पनि आफूलाई अप्ठेरो महसुस हुने स्थित नआउला भन्न सकिन्न । यसकारण, हरेक मानिसले आफ्नो व्यक्तित्वका बारेमा सामान्य भएपनि जानकारी हुनु आवश्यक छ ।
अन्त्यमा ?
आममानिस हेयर स्टाइल तथा मेकअपमा निकै नै परिवर्तन हुँदै गइरहेको छ । पहिले भन्दा आजभोली हेयर स्टाइल तथा मेकअप गर्नु भनेको नक्कल हैन बरु व्यक्तित्व र स्वास्थ्यका हिसाबले पनि उपयोगी हो भन्ने मानिसहरुको संख्या दैनिकजसो बढ्दै छ । यो कुरा लक्ष्मी हेयर एण्ड व्युटी स्टिुडियोमा आउने सेवाग्राहीहरुको संख्याले मलाई महसुस गर्ने मौक दिएको छ । यहि नै कमाइ हो । यस्लाई अझै आधुनिक हिसावले निरन्तरता दिने कुरामा म दृढ छु ।