Advertisement
Advertisement
Advertisement
Advertisement

यौटी ‘आइमाई’ को मूल्य कति हो ?

  |      18:46:00   |  
रेखाचित्र : रत्नसागर श्रेष्ठ/टिएचटी
रेखाचित्र : रत्नसागर श्रेष्ठ/टिएचटी

कविता/यशोदा अधिकारी

 

 

 

अब ठेगनीदेवी बोल्छिन्
यो समाजमा
यौटी ‘आइमाई’ को मूल्य कति हो ?
चाहे साटियोस पूरै शरीर
दाइजोको बाकससित
चाहे थुनियोस सग्लो जीवन
अन्धकार कोठाभित्र
अब ठेगनीदेवी बोल्छिन्
यो समाजमा
यौटी ‘आइमाई’ को मूल्य कति हो ?

 

तिमीले कहिल्यै सुनेका थियौ ?
जिउँदै जल्न नसकेर चिच्याएको आवाज ?
तिमीले कहिल्यै याद गरेका थियौ ?
जिउँदै बल्न नसकेर
मट्टितेल खन्याएको ?
कसरी खाएँ हुँला मान्छेको बिष्टा ?
कसरी पिएँ हुँला पीडाका प्यालाहरू ?
तिम्रो कथित नर्कको झ्यालबाट
आज यत्ति भन्न चाहन्छु
यो समाजमा
यौटी ‘आइमाई’को मूल्य कति हो ?

 

दहेजको आगो
उत्तर आधुनिक झर्नाको पानी थियो
म त्यहीँ झर्नाको पानीमा भिजेँ
नारी स्वतन्त्रताको तलाउमा
एकैछिन डुबुल्की पनि मारेँ
पटक पटक मरेर बाँच्नुभन्दा
जिउँदै जलेकोमा
शीतल शीतल महसुस गरेँ ।

 

मानौं यो मुलुकमा सलाइका कारखाना
मेरै लागि खुलेका छन्
मट्टितेल पनि मेरै कारणले नै भित्र्याइन्छन्
तेजाबको खरिदबिक्री त
मेरै मुहारका लागि गरिन्छ
अहो ! म कति शक्तिशाली !
नबोलेर पो चुपचाप जलाइएँछु ।

 

छोरी जन्माउँदाको पीडासँगै पोलिएको
समानताको सेकुवा पनि खाएँ
स्वतन्त्रताको स्वाद पनि चाखेँ
न्यायाधीशको कालो कोट पनि देखेँ
मन्दिर मस्जिद र गुम्बा पुगेर
समानताको गीत पनि सुनेँ
आगो त मेरा लागि पानी बराबर
तिमीलाई आगोले पोल्छ होला
मलाई त शीतल शीतल पो बनाइदियो ।

 

आगो नलाग्दै कैयन पटक जलेँ
कैयन पटक मरेँ
तर मैले ओढेको मजेत्रो
जलाउन सकेन आगोले ?
मेरा लक्ष्यहरू कहिल्यै
खरानी हुन पनि सकेनन्
आएर हावा हुरी
उडाउन सकेन सपना
हो, मैले मानिन हुँला
चुपचाप बलात्कृत हुन
मैले टेरिन हुँला तिम्रो आदेश
बदलामा एउटा प्रश्न छ
यो समाजमा
यौटी ‘आइमाई’ को मूल्य कति हो ?

 

एउटा दराज
एउटा पलंग
एउटा गाडी
एउटा रंगीन टेलिभिजन
एउटा दुहुनो भैंसी
र, एउटी ‘आइमाई’
कुनचाहिँ महंगो पर्ला ?
जिउँदै जलेर पनि
ठेगनीदेवीले नबुझेको एउटा सत्य कुरा
यो समाजमा
यौटी ‘आइमाई’ को मूल्य कति हो ?


Share this with your friends:


Advertisement
Advertisement
थप खबर...

प्रत्येक महिला पुरुषभन्दा कमजोर छैनन् : कमला भासिन

1505200545Kamala-bhasinsiTZu8Z9Mj.jpg नरेश ज्ञवाली ► भदौ २७, काठमाडौं।  दक्षिण एसियामा लैङ्गिक समानता, शिक्षा, गरिबी निवारण, मानवअधिकार र शान्तिका...

पुरुष कलमले पूर्ण नारीलाई लेख्न सक्दैन

1488688911annapurna-post.jpg काठमाडौं। मान्छेहरू कडा भएर बोलेको भन्दा नरम भएर बोलेको मनपर्छ । खरा कुराभन्दा नरम, सरस र सलिल कुराहरू मनपर्छ । तर...

कालो तिलले कम्मर दुखेको र अनुहारमा भएको पोतोको उपचार गर्छ

1479567052black-sesame-seed.jpg काठमाडौं । कालो तिल अथवा तिलबाट प्राप्त हुने बिऊ तेल उत्पादनको लागि प्रयोग गरिन्छ । अनुहारमा चायाँ, पोतो वा दाग,...

उमेर अनुसारको हुनुपर्छ खान्की, अनि मात्र मानिस स्वस्थ रहन्छ

1479121715High-protein-foods-555x335.jpg काठमाडौं। पोषणको आवश्यकता उमेरअनुसार परिवर्तन हुन्छ । उमेरको हरेक अवस्थामा स्वयंलाई स्वस्थ राख्न शरीरलाई...

यी भोजन खाए छाला सुन्दर हुन्छ !

1490268754IMG4830.JPG काठमाडौं। स्ट्रबेरी : यो भिटामिन सीले भरपुर हुन्छ । भिटामन सीले छालालाई चाउरीबाट जोगाएर सधैं जवान राख्न मद्दत...

दुबईमा पहिलो पटक नेपाली कल्चरल पहिरनको फेसन शो सम्पन्न

14869899431673513412092883957875661114576594o.jpg काठमाडौं। गत माघ २८ गते दुबईमा नेपाली कल्चरल पहिरनको फेसन शो पहिलो पटक फेसन फ्युजन २०१७ सम्पन्न भयो । एनआरएन...

मुलुकका सम्मानित पदमा महिलाको उपस्थिति, सबैका लागि आशाको ढोका उघारे

1488014428nepali-great-ladies.jpg काठमाडौं। अहिले नेपालका तीनवटै अंगका प्रमुख महिला भएकाले नेपाली राजनीतिक क्षेत्रमा मात्र नभएर सामाजिक...

लोग्नेमान्छेको जात केटी देखेपछि.....

1486611119images.jpg काठमाडौं । शान्ताको विवाह भएको पाँच वर्ष बितिसक्दा पनि छोराछोरी भएनन् बरु उनलाई एकाएक ब्लड क्यान्सर भयो । समयले...

महिलाको दोस्रो विवाहको कुरा सुन्दा पढेलेखेकैले अनुहार बिगार्छन्

1482639321yakal--mahila.jpg काठमाडौं। दोस्रो विवाहबारे मैले नसोचेको, नचाहेको होइन । तर, म मेरा आत्मीयसँग फेरि विवाह गर्नेबारे कुरा गर्छु,...

मनोसामाजिक समस्या के हो?

1532684479sumitra-vaauju.jpg साउन ११, काठमाडौं । मनोसामाजिक समस्या भन्नाले मन र समाज वीच हुने समस्या हो । यो जो कोही व्यक्तिलाई पनि हुन सक्छ ।...

Advertisement
Advertisement
Advertisement
Advertisement
Advertisement
Advertisement