'याजिदी महिलाको सुरक्षा गरियोस्'

पुस २, दोहा, कतार। नोबेल पुरस्कार विजेता तथा इराकी जिहादी समूहको निगरानीमा रहेका पूर्व युद्धबन्दी नादीया मुरदले इश्लामिक स्टेट (आइएस) समूहका नेताहरूलाई याजिदी अल्पसङ्ख्यक समुदायका महिलाहरूमाथिको अपराधबारे अन्तराष्ट्रिय अदालतमा मुद्दा फैसला हुनुपूर्व उनीहरूको सुरक्षा गरिदिन आइतबार आग्रह गर्नुभएको छ । 

इराकी आइएस समूह (दायस)लाई अन्तराष्ट्रिय अदालतमा ल्याइनुपूर्व उनीहरूको आक्रमणको निशाना बन्दै आएका याजिदी महिलाहरूको सुरक्षाका लागि अन्तराष्ट्रिय समुदायले जिम्मेवारी लिनुपर्छ,” २५ बर्षीय इराकी नागरिक मुरदले कतारमा भइरहेको अन्तराष्ट्रिय सम्मेलनमा बताउनुभयो । 

मुरद्ले इराक र उक्त क्षेत्रका अन्य मुलुकहरूका नेतृत्वलाई सङ्केत गर्दै भन्नुभयो, “मेरो याजिदी अल्पसङ्ख्यक समुदायका सदस्यहरूमाथि आतङ्कवादी समूह दायसले गर्ने गरेका कुकृत्य र अपहरणजस्ता जोखिमबाट उनीहरूलाई जोगाउनु प्रमुख चुनौति बनेको छ । उनीहरूलाई दिनदिनै प्रताडित बनाइएको छ ।” 

मुरद्लाई याजिदी समुदायको अधिकारका लागि गरेको योगदानस्वरूप करिब एक महिना पहिले यस बर्षको नोबेल शान्ति पुरस्कारद्वारा सम्मानित गरिएको थियो । उक्त पुरस्कार मुरद् र एक जना कङ्गोली चिकित्सकलाई संयुक्त रूपमा प्रदान गरिएको थियो । 

हजारौँ याजिदी महिला, किशोरीसहित मुरदलाई आइएसले इराकको सिनजार क्षेत्रबाट सन् २०१४ मा अपहरण गरी बर्बर दुब्यबहार गरेका बताउने गरिन्छ । इराक युद्धका समय करिब तीन हजार महिला तथा किशोरीलाई अपहरण गरिएको र बलात्कार गरी योनदासीका रूपमा बेचिएको थियो । रासस