भदौ ८, काठमाडौं । वुमन विथ भिजनले भोली शनिबार सुवर्ण शम्सेर मार्गस्थित रोयल एम्पायर बुटीक होटलमा आयोजित हुने एक कार्यक्रमकाबिच वर्षका दश उत्कृष्ट महिला घोषित गर्दैछ । केही समय अगाडी वुमन विथ भिजनले गरेको मनोनयन गरेको सय जना सफल महिलाहरुबाट वर्षका दश उत्कृष्ट महिला वुमन अफ द इयर घोषणा गर्ने भएको हो । विभिन्न दश क्षेत्रका आफ्नो कर्मले सफल भएका र सफलताको पहिचान बनाइसकेका उत्कृष्ट महिलाहरुलाई मनोनयन गरि भोटिङ र जुरीको निर्णय पश्चात सय मध्यबाट वर्षका दश उत्कृष्ट महिलाहरु भोली घोषित हुनेछन् ।
पछिल्लो समय नेपाली महिलाहरुमा बढ्दै गएको सहास, सफलता र राष्ट्रिय स्तरमा उनिहरुले देखाएको जिम्मेवारीको कदर अर्थात सम्मान गर्नै पर्ने महसुस गर्दै वुमन विथ भिजनले सन २०१६ देखि वुमन अफ द इयरले महिलाहरुलाई प्रोत्सहान गर्न थालेको वुमन विथ भिजनका शाश्वत राज शर्मा बताउँछन् । उनि भन्छन् ‘ आगामी वर्षहरुमा हामी देशभरका महिलाहरुको सफलतालाई एकै ठाउँमा ल्याउने योजनामा छौ । अझै हामीले दुरदराजका सफल महिलाहरुलाई समेट्न सकेका छैनौ । वुमन विथ भिजन महिलाहरुका हरेक क्षेत्रमा पुग्नेछ ।
वुमन विथ भिजनले पोलीटिसीयन अफ द इयर, विज्नेस वुमन अफ द इयर, इन्टरपेनर अफ द इयर, कर्पाेरेट वुमन अफ द इयर, युथ आइकन अफ द इयर, प्रोफेस्नल अफ द इयर, मिडिया पर्सन अफ द इयर, आर्ट एण्ड मुभी पर्सन अफ द इयर, ग्ल्यामर आइकन अफ द इयर, पिपुल फेभ्रेट अफ द इयर जस्ता हरेक विद्याहरुबाट एक जना महिला वुमन अफ द इयर घोषित हुनेछन् ।