फेसन डिस्प्ले शोलाई इगल आइजका पहिरनले बनायो आकर्षक

असोज २, काठमाडौं । पार्टीरक इभेन्टद्धरा शनिबार ब्लुवर्डमा आयोजित फेसन फेसन डिस्प्ले शोमा इगल आइज फेसन हाउसले तयार पारेका ट्रेडिसन्ल थिमका पहिरनले सो हेर्न आउनेको मन निकै तानेको थियो । राजधानीको फेसन माहोललाई बढवा दिने अहंम भूमिका निवार्ह गर्ने मध्येकी परिचित डिजाइनर राधा ढकाल सापकोटा डिजाइन गरेका पहिरनमा १४ जना मोडल परम्परागत थिममा डिजाइन गरिएका पहिरन लगाएर र्याम्पवाकमा उत्रिएका थिए । यस्तै, आयोजक टिमका सबैले इगल हाउले नै तयार पारेका पहिरन लगाएर कार्यक्रम सम्मपन्न गरे । 

अहिले बजारमा कुन डिजाइनका पहिरनहरुको माग बढी छ भनेर जानकारी गराउन आफूले परम्परागत पहिरनको थिममा डिजाइन गरेका कारण सबैले रुचाएको डिजाइनर राधा बताउँछिन् । उनी भन्छिन्,– ‘हामीले यसरी आयोजित कार्यक्रममा ग्रहाकले कस्ता पहिरनहरु मन पराउँछन् भनेर मुल्यांकन गर्ने अवसर मिल्छ । यति मात्र हैन फेसनका बारेमा विश्वबजार सचेत छ । नेपाल पनि अछुतो छैन । यसकारण, सबै हिसावले आफूले बनाएको पहिरन सबैको नजरमा परुन भन्ने हुन्छ । यो कुरामा सफल छु । यतिमा म सन्तुष्ट हुन्न । आगामी दिनमा अझै नेपाली फेसन जगतमा आफूले दिने योगदान अनन्तसम्म जारी राख्नेछु ।’ 

आधुनिक मानिसहरु फेसनमा निकै सजग छन् । सकेसम्म नयाँ डिजाइन र ट्रेन्डी पहिरन लगाउन रुचाउने नेपाली फेसन पारखीहरुको संख्या दैनिक जसो बढ्दोक्रममा छ ।  अझ भनौ सस्तो मुल्यमा पाइने र फेसन परिवर्तन गरेर फरक–फरक स्टाइलमा लगाउन धेरैेले रुचाउँछन् ।  

पछिल्लो समय राजधानीमा धेरै प्याटर्नका पहिरन प्रदर्शन गर्ने हिसावले फेसन शो आयोजना गरिन्छन् । यसका अलवा शहरको व्यस्ततालाई मनोरञ्जन मार्फत आरामदायी प्रदान गर्ने हेतुले पनि शोको आयोजना गर्ने गरेको पाइन्छ । साथै च्यारिटीका लागी पनि फेसन शो आयोजना गरेको पाइन्छ ।  यहि कुरालाई निरन्तरता दिने तर अहिले आयोजना भए भन्दा फरक शैलीमा डिजाइनर राधा ढकाल सापकोटाले फेसन शो आयोजना गर्ने योजना बनाएको बताइन् । 

इभेन्टमा परैबाट चम्किलो देखिने कुल स्काइ ब्लु ब्लिडर सारीमा र जाप्निज स्यार्टनको चोलीमा सजिएर फेसन डिस्प्लेमा उपस्थित भएकी डिजाइन राधा जहिले  पनि पहिरन लगाउने कुरामा सजग छिन् । एक डिजाइनरले हुनुपर्ने सजगता र सल्लाह दिन समेत अग्रसर राधा आफ्नो लागि मात्र हैन ग्रहाकका लागि पनि उतिनै उपयोगि पहिरन लगाउने सल्लाह दिन्छिन् । 

आउँदै गरेको दशैंमा सिम्पल सारी, कुर्ती र सिम्पल पहिरनहरुको डिजाइन गर्न व्यस्त डिजाइनर राधा दशैंलाई लक्ष्ति गरि मिक्स कलरमा खेलेर विभिन्न डिजाइनका पहिरन बजारमा ल्याउने तयारी गरिरहेको बताउँछिन् । इगल आइजमा दशैंलाई लक्ष्ति गरि दुई हजारदेखि बिस हजारसम्मका पहिरन पाइने उनले बताइन् । ‘धेरै भडकिलो नहुनेगरि पहिरन तयार गर्दैछु ।’