Advertisement
Advertisement
Advertisement
Advertisement
तीन महिलाको हत्या प्रकरणका दोषी अझै पत्ता लागेन
►केदार मगर
असार ५, खोटाङ । तीन महिलाको शृङ्खलाबद्ध हत्या भएको लामो समय बित्दासमेत खोटाङमा हत्यारा पत्ता लाग्न सकेको छैन । घटनालगत्तै जिल्ला प्रहरी कार्यालय खोटाङ तथा काठमाडौँबाट नेपाल प्रहरीको विशेष टोली आएर अनुसन्धान गरे पनि दोषी पत्ता लगाउन नसकेको हो ।
विसं २०७३ माघ २६ गते बुधबार बिहान खोटेहाङ गाउँपालिका–९ लिच्कीराम्चेकी १७ वर्षीया रीता तामाङ मृत फेला परेकी थिइन् भने २०७४ जेठ १६ गते हलेसी तुवाचुङ नगरपालिका–७ महादेवस्थानकी ५७ वर्षीया ज्ञानीमाया विश्वकर्मा र २०७४ साउन ४ गते जन्तेढुङ्गा गाउँपालिका–६ दिप्लुङकी ३७ वर्षीया देवी विश्कर्मालाई हत्या गरिएको अवस्थामा फेला पारिएको थियो । घटनामा संलग्न दोषी पहिचानका लागि अनुसन्धान जारी रहे पनि दोषी पत्ता नलाग्दा प्रहरीमाथि नै प्रश्न उठ्न थालेको छ ।
सिम्पानी बजारका होटल व्यवसायी शिव खड्काको होटलमा काम गर्दै आएकी रीताको शव कुसेऔँशी जङ्गलको बाटोभन्दा करीब ४० मिटर तल भिरमा भेटिएको थियो । घटनास्थलमा झारपात मडारिएको, शव घस्रिएको पाइएकाले युवतीलाई सामूहिक बलात्कारपछि हत्या गरिएको आशङ्का गरिएको छ ।
यस्तै, स्याउला काटेर घर फर्कनेक्रममा इलाका प्रहरी कार्यालय हलेसीभन्दा करीब पाँच मिनेटको पैदल दूरीमा ज्ञानीमायाको हत्या भएको थियो । माइतीघर जन्तेढुङ्गा गाउँपालिका–४ डम्वर्खुशिवालयबाट घर फर्कने क्रममा सम्पर्कविहीन बनेको दोस्रो दिन फेला परेकी देवीको शव सडकभन्दा करीब ५०० मिटर तल कम्मरमुनि कपडा खोलिएको, टाउकोबाट रगत बगिरहेको अवस्थामा भेटिएको थियो ।
तीन महिलाको शृङ्खलाबद्ध हत्या भएपछि जिल्लास्थित महिला अधिकारकर्मीले तत्काल दोषी पत्ता लगाएर हत्यारालाई कानूनी कठघरामा ल्याउन प्रहरीलाई दवाब दिइरहेका छन् । जिल्लास्थित क्रियाशील महिला अधिकारकर्मीले पटक–पटक जिल्ला प्रहरी कार्यालय खोटाङमा पुगेर घटनाको विषयमा जानकारी मागिरहेका छन् ।
शृङ्खलाबद्ध हत्या प्रकरणका दोषी पत्ता नलागेको बारेमा गत भदौ १ गते गृहमन्त्री रामबहादुर थापालाई भेटेर जानकारीसमेत गराइएको थियो । नेपाल कम्युनिष्ट पार्टी ९नेकपा०का अध्यक्ष देवान किराती ‘पृथ्वी’को नेतृत्वमा गएको टोलीले गृहमन्त्री थापालाई उहाँको निवासमा भेटेर तत्काल हत्यारा पत्ता लगाएर कारवाही गर्न माग गरेको थियो ।
खोटाङे नेताहरुको टोलीसँगको भेटमा गृहमन्त्री थापाले आफू उक्त घटनाप्रति गम्भीर रहेको बताउनुभएको थियो । उहाँले चाँडै नै परिणाम आउने गरी आफूले कारवाहीको प्रक्रिया अगाडि बढाउन सम्बन्धित निकायलाई निर्देशन दिइसकेको बताउनु भए पनि अहिलेसम्म दोषी पत्ता लाग्न सकेको छैन । यसबीचमा जिल्ला प्रहरी कार्यालय खोटाङमा चार प्रहरी प्रमुख फेरिए । प्रहरी नायप उपरीक्षक ९प्रनाउ० नवीनकिशोर प्रधान, लोकदर्शन थापा र राजकुमार केसी सरुवा भएर अन्यत्र गइसक्नुभएको छ भने अहिले प्रनाउ वामदेव गौतम आएर प्रमुखको जिम्मेवारी सम्हाल्नुभएको छ ।
तीन महिला हत्या प्रकरणका बारेमा आफू प्रहरी प्रमुख भएर खोटाङ आउनासाथ अनुसन्धान थालेको प्रनाउ गौतमले बताउनुभयो । “अहिले फाइल अध्ययन गरेर घटनाको बारेमा बुझ्ने काम गरिरहेको छु”, उहाँले भन्नुभयो, “तत्काल दोषी पत्ता नलागे पनि उम्कनेवाला छैन, पुरानो घटना भएकाले केही समय लाग्न सक्छ ।”
जिल्लामा सरुवा भएर आउने सबै प्रहरी प्रमुखलाई घटनाबारे जानकारी गराइएको महिला अधिकारकर्मी एवं पूर्वसभासद् दुर्गाजयन्ती राईले बताउनुभयो । “हामीले सबै सुरक्षा प्रमुखलाई घटनाका बारेमा जानकारी गराएका छौँ”, उहाँले भन्नुभयो, “अहिलेसम्म दोषी पत्ता नलाग्नुमा प्रहरीमाथि नै आशङ्का गर्नुपर्ने अवस्था आएको छ ।” घटनाका दोषी पत्ता नलागेपछि मृतकका आफन्त प्रहरीप्रति आक्रोशित बनेका छन् । उनीहरुले प्रहरीमाथि नै अनुसन्धान थाल्न माग गर्दै आएका छन् ।
स्रोत : रासस
Share this with your friends:
Advertisement
Advertisement
प्रत्येक महिला पुरुषभन्दा कमजोर छैनन् : कमला भासिन
नरेश ज्ञवाली ►
भदौ २७, काठमाडौं। दक्षिण एसियामा लैङ्गिक समानता, शिक्षा, गरिबी निवारण, मानवअधिकार र शान्तिका...
पुरुष कलमले पूर्ण नारीलाई लेख्न सक्दैन
काठमाडौं। मान्छेहरू कडा भएर बोलेको भन्दा नरम भएर बोलेको मनपर्छ । खरा कुराभन्दा नरम, सरस र सलिल कुराहरू मनपर्छ । तर...
कालो तिलले कम्मर दुखेको र अनुहारमा भएको पोतोको उपचार गर्छ
काठमाडौं । कालो तिल अथवा तिलबाट प्राप्त हुने बिऊ तेल उत्पादनको लागि प्रयोग गरिन्छ । अनुहारमा चायाँ, पोतो वा दाग,...
उमेर अनुसारको हुनुपर्छ खान्की, अनि मात्र मानिस स्वस्थ रहन्छ
काठमाडौं। पोषणको आवश्यकता उमेरअनुसार परिवर्तन हुन्छ । उमेरको हरेक अवस्थामा स्वयंलाई स्वस्थ राख्न शरीरलाई...
यी भोजन खाए छाला सुन्दर हुन्छ !
काठमाडौं। स्ट्रबेरी : यो भिटामिन सीले भरपुर हुन्छ । भिटामन सीले छालालाई चाउरीबाट जोगाएर सधैं जवान राख्न मद्दत...
दुबईमा पहिलो पटक नेपाली कल्चरल पहिरनको फेसन शो सम्पन्न
काठमाडौं। गत माघ २८ गते दुबईमा नेपाली कल्चरल पहिरनको फेसन शो पहिलो पटक फेसन फ्युजन २०१७ सम्पन्न भयो । एनआरएन...
मुलुकका सम्मानित पदमा महिलाको उपस्थिति, सबैका लागि आशाको ढोका उघारे
काठमाडौं। अहिले नेपालका तीनवटै अंगका प्रमुख महिला भएकाले नेपाली राजनीतिक क्षेत्रमा मात्र नभएर सामाजिक...
लोग्नेमान्छेको जात केटी देखेपछि.....
काठमाडौं । शान्ताको विवाह भएको पाँच वर्ष बितिसक्दा पनि छोराछोरी भएनन् बरु उनलाई एकाएक ब्लड क्यान्सर भयो । समयले...
मनोसामाजिक समस्या के हो?
साउन ११, काठमाडौं । मनोसामाजिक समस्या भन्नाले मन र समाज वीच हुने समस्या हो । यो जो कोही व्यक्तिलाई पनि हुन सक्छ ।...
महिलाको दोस्रो विवाहको कुरा सुन्दा पढेलेखेकैले अनुहार बिगार्छन्
काठमाडौं। दोस्रो विवाहबारे मैले नसोचेको, नचाहेको होइन । तर, म मेरा आत्मीयसँग फेरि विवाह गर्नेबारे कुरा गर्छु,...
Advertisement
Advertisement
Advertisement
Advertisement
Advertisement
Advertisement
