साउन ८, काठमाडौं । बर्षामा आउटफिटका लागि पूर्व तयारी गर्नुपर्छ । कतिबेला पानी पर्छ थाहा हु“दैन । यो समयमा हल्का तथा छोटो पहिरन नै आरामदायी हुन्छ । लाइटको सट्टा ब्राइट कलर्समा राम्रो देखिन्छ ।
बर्षाको मज्जा लिनु छ भने फेशन पनि बदल्नु आवश्यक हुन्छ । यसै पनि बर्षालाई रोमान्टिक मौसम भनिन्छ । तर यो मौसममा चिपचिपापन बढ्छ । यस्तोमा फेशन पारखीलाई स्टाइल कायम गर्न चुनौती हुन्छ । फेशन एक्सपर्टका अनुसार बर्षाको समयमा लाइट हल्का कपडाहरु म्याच गर्ने खालको राम्रो हुन्छ ।
कुल फेव्रिक्स : छोटो लुगामा बोल्ड फूल प्रिन्टिङ्गहरु भएको लुगा राम्रो देखिन्छ । यस्तोमा स्किन फ्रेन्डिली फेव्रिक र लुज फिटिङ्ग आउटफिट्स आरामदायी लाग्छन् । फेशनमा रहि रहन कलेज जाने युवतीले स्ट्रेट लंङ ट्राउजर्सको साथमा ट्यूनिक, टप्स र लेयर्स लगाउन सक्छन । लुज नी लेंथ ट्राउजर्सको साथमा केप्स र क्राप्स पनि राम्रो देखिन्छ । साथै कफ लेन्थ ट्यूनिक्स ड्रेसहरु यो मौसममा आरामदायी हुन्छन् ।
पेस्टल कलर्स : यो मौसममा पेस्टल शेड्सको फ्रक, स्कट्स, टप जम्प सुट्स पनि लगाउन सकिन्छ । यी पहिरनेले हिड्न सहज हुने तथा लुक्स पनि कुल देखाउन मद्दत गर्छन् । पेस्टल्सको अर्काे महत्वपूर्ण फाइदा भनेको सबै कलमा पनि म्याच हुन्छ ।
फेशन डिजाइनरका अनुसार पेस्टल्स गर्मी मौसममा बढि प्रयोग गरिन्छ । तर यो बर्षामा लेमन, अरेन्ज, पिंक, ह्वाइट, ब्लू र ग्रीन यो समयमा स्टाइल स्टेट्मेन्ट बनिरहेका छन् । प्रत्येक साल मौसम बद्लि“दा ट्रेन्ड पनि बद्लिन्छ ।
लाइट फेव्रिक : बर्षामा चाँडो सुक्ने र पसिना पनि सजिलै सुक्ने कपडा भनेक्र लाइट फेव्रिक हो । यो मौसममा कटन वा कटन सिल्कको बढि माग हुन्छ । किनभने यी लुगामा आएको पसिना छिट्टै सुक्छ ।
फ्लोरल प्रिन्ट : फ्लोरल प्रिन्ट पनि यो मौसम निकै लगाइने कपडा हो । हरेकको रोजाइमा पर्ने फ्लोरल प्रिन्टका पहिरन प्रायजसोको अल्मारीमा पाउन सकिन्छ । बर्षाको मौसममा फ्लोरल ए—लाइन ट्यूनिक्स, नी लेन्थ स्कट , टप्स र केप्रिज लगाउँदा राम्रो हुन्छ ।
सखी टिप : यो मौसममा फर्मल आउटफिट्समा स्टाइलिस देखिन चाहनुहुन्छ भने सर्ट पेन्सिल स्कट्सको साथमा क्रिस्प सालड सट ट्राई गर्नुहोस ।